“O Le Fuafuaga Maoae a le Tama Faalelagi,” Uo, Nov. 2023, 2–3.
O Se Savali o le Konafesi mai le Perofeta
O Le Fuafuaga Maoae a le Tama Faalelagi
Sii mai le “Mafaufau Faaselesitila!!” Liahona, Nov. 2023, 115–17.
O le fuafuaga a le Tama Faalelagi mo i tatou e maoae. O mea tatou te faia i lenei olaga e taua tele. O le Togiola a le Faaola o le mea lea ua mafai ai ona faia le fuafuaga a le Tama.
Na puapuagatia le Faaola ina ia mafai ona Ia faamafanafanaina i tatou, faamalolo i tatou, ma laveai i tatou i taimi o puapuaga. Ona o le Togiola lē i’u a Iesu Keriso, o le fuafuaga a lo tatou Tama Faalelagi o se fuafuaga e atoatoa! E mafai ai e i tatou taitoatasi ona filifili pe faapefea ona tatou ola.
Ou te valaaulia outou ia amata ona “mafaufau faaselesitila”! A i ai sou faafitauli, mafaufau faaselesitila! Pe a tofotofoina e faaosoosoga, mafaufau faaselesitila! Pe a faatoilalo oe e le olaga po o ē pele ia te oe, mafaufau faaselesitila!
A e mafaufau faaselesitila, o le a e manao e tatalo soo ma faamaoni atili. O le a e vaai i tofotofoga i se malamalama fou. A e mafaufau faaselesitila, o le a faateleina lou faatuatua.
O loo soifua le Atua. O Iesu o le Keriso. Ua toefuatai mai Lana Ekalesia e faamanuia ai fanau uma a le Atua.
Mafaufau Faaselesitila!
Na aoao mai Peresitene Nelson o le mafaufau faaselesitila e mafai ona fesoasoani ia i tatou e faia ai filifiliga lelei. I la taitasi, tusi ai se ata pe tusi ai se mea e mafai ona e faia e mulimuli ai i le faataitaiga a le Faaola.
O Mai ia Iesu, saunia e Michael Malm