“Fesoasoani i le Tuagane Pepe,” Uo, Nov. 2023, 16–17.
Fesoasoani i le Tuagane Pepe
E leai se tasi na i ai se taimi mo Lashia i le taimi nei.
O lenei tala sa tupu i Aferika i Saute.
Sa i ai se tuagane pepe fou a Lashia. O lona igoa o Liam. E uliuli pato’i lona lauulu ma lima ma vae laiti. Sa matuai aulelei o ia!
Ae o nisi taimi o le i ai o se pepe fou i le aiga sa faigata. Sa pisi i taimi uma Tina ma Tama i le taimi nei. Ma sa tele ina tagi Liam.
“Tina, e mafai ona e faitau mai se tala ia te a’u?” O le fesili lea a Lashia.
“E tatau ona ou faataele Liam i le tapu,” o le tala lea a Tina. “Atonu e mafai ona lua faitauina se tala ma Ariana.”
Sa saofafai i lalo Lashia i luga o le fola ma lona uso laitiiti. Sa la susue i itulau o se tusi. Ae sa le tutusa e aunoa ma Tina.
“Tama, e mafai ona ta taaalo?” O le fesili lea a Lashia.
“E tatau ona ou fesoasoani ia Tina i le pepe ae ou te le’i alu e faigaluega,” o le tala lea a Tama.
Sa faauu Lashia. Ua le toe i ai se taimi o Tina ma Tama mo ia i le taimi nei! O taimi uma sa fesoasoani ai i laua ia Liam.
E le’i umi ae alu Tama i le galuega. Sa tuu e Tina Liam i lalo mo sina moe. Sa latou saofafai faatasi ma Lashia ma Ariana i luga o le nofoa. Sa vaaia lona vaivai.
“Sa ma pisi tele ia Liam,” o le tala lea a Tina. “Pe na lua lagonaina sina tuuatoatasi?”
Sa luelue le ulu o Lashia. Sa ia lagona le pei e fia tagi o ia.
Sa fusi e Tina ia Lashia ma Ariana. “E manaomia e Liam le tele o le fesoasoani i le taimi nei ona e laitiiti tele o ia. E le mafai ona ia faia se mea na o ia lava, e pei ona oulua mafaia.”
“Ua ou iloa,” sa fai atu ai Lashia.
“Ae afai e te manao ai, e mafai ona e fesoasoani mai ia te a’u e tausi Liam.” Sa ataata Tinā.
“E mo’i?” O le fesili lea a Lashia. Sa fiafia o ia i lena manatu.
“E faapena foi a’u,” na fai atu ai Ariana.
“O oe foi,” o le tala lea a Tina.
E le’i umi ae amata ona tagi Liam. Ina ua sui e Tina lona napekini, sa aumaia e Lashia ia te ia le solo.
“Faafetai lava,” o le tala lea a Tina.
O le aso na sosoo ai, ina ua fai se taelega a Liam, sa piki ai e Lashia ma Ariana se ofu mama mo ia e ofuina. Sa i ai ni tamai manu aulelei i luga! Sa la’ua aumaia ia Tina ina ia mafai ona ia faaofuina Liam.
“Faafetai lava,” o le tala lea a Tina.
Sa mafaufau Lashia ma Ariana i isi auala e fesoasoani ai. Sa la’ua faia o la moega i taeao taitasi e aunoa ma le faatonuina. O nisi taimi la te faia ai foi le moega o Tina ma Tama! Ma ina ua oo i le taimi o le taumafataga o le afiafi, sa la fesoasoani ia Tama i le umukuka.
“Faafetai lava,” o le tala lea a Tina ma Tama.
Ina ua tagi Liam, sa taumafai Lashia e fesoasoani ia te ia ia maua se lagona lelei. Sa ia siiina o ia ma talanoa atu ia te ia i se leo malu. Ae peitai sa le mafai ona fai atu Liam faafetai. Ae i se tasi aso sa ia ataata tele ai i Lashia!
Sa toe ataata atu i ai Laisha. Sa fiafia o ia ona sa mafai ona ia fesoasoani i lona tuagane pepe ma lona tina ma lona tama foi!
Ata na tusia e Shawna J. C. Tenney