“O Tusigamanatu o le Konafesi,” Uo, Nov. 2023, 5.
O Tusigamanatu o le Konafesi
Fesoasoani mai le Agaga Paia
Na saunoa mai Peresitene Eyring na te lagonaina le faamalosiauina pea ia faitauina le tala ia Nifae i le aumaia o papatusi apamemea mai ia Lapana. Sa lei iloa tonu e Nifae le mea e fai, ae sa taialaina o ia i taimi uma e le Agaga Paia. Pe a fetalai mai le Alii ia i tatou e fai se mea faigata, o le a fesoasoani foi le Agaga Paia ia i tatou.
O lea mea ua aoaoina ai a’u e:
Manatua Pe O Ai Oe
Sa valaaulia i tatou e Elder Stevenson e taofi i taimi taitasi tatou te vaai ai ia i tatou lava i se faaata ma faapea atu, “Oka, vaai mai ia te au! Ou te ofoofogia! O a’u o se atalii/afafine o le Atua! Na te silafia au! E alofa o Ia ia te a’u!” O le faia o lenei mea o le a fesoasoani tatou te manatua ai po o ai moni lava i tatou ma le auala e mafai ai e le Atua ma le Agaga Paia ona fesoasoani ia i tatou.
O lea mea ua aoaoina ai a’u:
Faatuatua ia Iesu Keriso
Sa faasoa mai e Elder Costa le tala i le taimi na faatoafilemuina ai e Iesu Keriso le afā. E tofu uma i tatou ma afā, po o luitau, i le olaga e faigata. Ae o le a tatou le faafetaia’ia lava na afā na o i tatou. O le i ai o le faatuatua ia Iesu Keriso o le a tatou maua ai le mana ma le filemu tatou te manaomia e fetaiai ai ma soo se afā.
O lea mea ua aoaoina ai a’u:
E Savali i le Ala faatasi ma Ia
Sa faamatala e Peresitene Freeman se tala e uiga i le taimi na ia manao ai e asiasi i se alasopo faapitoa, e ui ina sa tiga lona tapuvae. Sa le mafai ona ia savalia le alasopo na o ia, o lea na fesoasoani ai le taiala o le alasopo ia te ia. E pei lava o le taiala a Peresitene Freeman, o le a fesoasoani Iesu Keriso ia i tatou i soo se luitau a o tatou taumafai e tausia a tatou feagaiga.
O lea mea ua aoaoina ai a’u:
Ata na tusia e Josh Talbot