“O Le Laau o le Ola,” Uo, Ian. 2024, 26–27.
O Tala o Tusitusiga Paia
O Le Laau o le Ola
Ata na tusia e Andrew Bosley
O Liae o se perofeta. Na ta’u atu e le Atua ia te ia e ave lona aiga i le nuu folafolaina. A o latou malaga, sa fai sana miti e uiga i se laau matagofie. Sa ta’ua o le laau o le ola.
Na tupu ae i le laau ni fua papa’e suamalie. Sa lagona e Liae le fiafia tele ina ua ia ‘ai ai! Sa manao o ia i lona aiga e faataitai foi i ai.
Sa vaai foi Liae i se ai uamea lea na tau atu i le laau. Sa pipii tagata i le ai uamea ina ia oo atu ai i le laau ma aai i le fua.
O le laau i le miti a Liae e faatusa i le alofa o le Atua. O le ai uamea e faatusa i tusitusiga paia. Pe a tatou faitau i tusitusiga paia, tatou te lagona le latalata atili atu i le Tama Faalelagi ma Iesu Keriso.