O Gaoioiga o le Sau Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea faafiafia!

1–7 Ianuari

O Lau Molimau

Alt text

O ata na tusia e Katy Dockrill

Mo Itulau Tomua o le Tusi a Mamona

O le Tusi a Mamona na tusia muamua i luga o papatusi auro. Na tusia e tagata o e na vaai i papatusi e faapea na latou iloa e moni (tagai i le Mau a Molimau e Toatolu ma le Mau a Molimau e Toavalu). Tusi pe tusi se ata o sau oe lava molimau e uiga i le Tusi a Mamona ma tuu i totonu o au tusitusiga paia.

Mo tamaiti laiti: Fausia faatasi se olo. Talanoa e uiga i le ala tatou te fausia ai a tatou molimau e uiga i le Tama Faalelagi ma Iesu Keriso ia tasi le fasi vaega i le taimi.

8–14 Ianuari

Faasoaina Atu o Oa

alt text

Mo le 1 Nifae 1–5

O tusitusiga paia o se oa maoae (tagai i le 1 Nifae 5:21). Tusi ata o ni siepi o maa taua i se pepa ma oti ese. Fai atu i tagata taitoatasi e tusi se mau o le Tusi a Mamona i luga o maa taua. Faafefiloi maa taua ma feauauai e filifili se tasi ma faitau mau taitasi.

Mo tamaiti laiti: Ia i ai se ata ma se faamatalaga i meataalo po o tusi e fiafia iai lau fanau laiti. Tau atu ia i latou e mafai ona latou avea tusitusiga paia o se tasi o mea e sili ona latou fiafia i ai e ala i le faalogo ia i latou ma aoao i tala.

15–21 Ianuari

O Papatusi Manino ma Pele

alt text

Mo le 1 Nifae 6–10

Na ta’u atu e le Alii ia Nifae e fai se isi seti o papatusi mo se faamoemoega faapitoa ma le poto (tagai 1 Nifae 9). Fai sau oe lava seti o papatusi mai pepa ua gaugau po o ni fasi pepa malo. (E mafai foi ona e afifiina lau pepa po o le pepa malo i le pepa alumini!) Tusi pe tusi se ata o mea ua e aoaoina mai le Tusi a Mamona i luga o au papatusi.

Mo tamaiti laiti: Usu le pese “Lototele o Nifae” i le itulau 13. O taimi uma lava e te usuina ai upu “alu” po o le “fai,” oso i luga o le ea!

22–28 Ianuari

O Le Alofa o le Atua

alt text

Mo le 1 Nifae 11–15

Faitau le tala faatusipaia e uiga i le miti a Liae i le itulau e 26. Tusi nei loa se laau. Tuu atu i tagata taitoatasi o le aiga e faaopoopo se lau i le laau ma fai atu se mea se tasi ua tuuina mai e le Tama Faalelagi ia i tatou e faaalia ai e alofa o Ia ia i tatou.

Mo tamaiti laiti: O le alofa o le Tama Faalelagi e pei o se malamalama i le pogisa. Tape moli ma tuu se tamai moli i le tasi pito o le potu. Savavali agai i ai ma lau fanau laiti.