“Mulimuli Ai ia Iesu i Taialani,” Uo, Ian. 2024, 6–7.
Mulimuli Ai ia Iesu i Taialani
Feiloai ia Panya
O le Auala e Mulimuli ai Panya ia Iesu
Ua valaaulia e Panya lona tausoga la te o ma ia i le lotu. A sau o ia, e fesoasoani Panya ia te ia ia lagona le taliaina. Na te fesoasoani ia te ia e feiloai i isi tamaiti i le Peraimeri ma faia ni uo.
I le fale, e fesoasoani Panya e ala i le faamamaina o lana pusa o meaai ma ona seevae. “Ou te fiafia pe a ou fesoasoani atu,” o le tala lea a Panya. E nofo o ia faatasi ma le tuafafine o lona tama ma lona tinamatua, ma e fiafia o ia e fesoasoani ia i la’ua. Na te gaugauina foi lona palanikeke i taeao uma.
Na maliu le tina o Panya i se taimi e lei mamao atu. Pe a misia e Panya lona tina, e fesoasoani le tuafafine o lona tama ia te ia e tatalo atu i le Tama Faalelagi. E lagona e ia le alofagia pe a uma ona tatalo. “Pe a ou tatalo, ou te lagona e pei o loo iai faatasi Iesu ma au,” o lana tala lea.
O Panya ma lona tinamatua ma le tuafafine o lona tama.
E uiga i le Panya
Tausaga: 7
E sau mai: Nonthaburi, Taialani
Gagana: Tai
Sini: Avea ma se tagata mamanu o totonu o fale ma teuteu potu i fale o aiga ma fale tetele
Mea e fiafia i ai: Siva, tietie i lana uila, aoao le ta piano, aau, faitau, ma taekwondo
Aiga: Panya, tuafafine o lona tama, ma tinamatua
O Mea e Fiafia i ai Panya
Tala ia Iesu: Ina ua papatisoina o Ia (tagai Mataio 3:13–17)
Aso malolo poo tu masani a le aiga: Kerisimasi ma malaga faaleaiga
Fualaau aina ma fualaau faisua: Vine lanumeamata ma kukama
Lanu: Viole
Pese Peraimeri: “Ou Te Fia Vaai i le Malumalu” (Tusipese a Tamaiti, 99)