“O le a Se Mea o i Lou Mafaufau?” Uo, Ianuari 2024, 42.

O Le a Se Mea o i Lou Mafaufau?

Pe a ou faatutuina ni sini, e iu ina galo ia te au. E faapefea ona ou ausia a’u sini?

—Aapa atu i Reykjavík

Le Pele Aapa Atu,

Aua le popole: Pe a oo i le faatutuina ma le faagaloina o sini, e le o tuua na o oe. O se mea lenei e toatele tagata o loo tauivi ai. Tatou te lelei uma lava i le faia o sini. O le mea moni o le ausiaina o na sini—o le vaega faigata lena. O nisi nei o manatu e fesoasoani ai!

Ma le alofa,

O Le Uo

Moemiti tele ae amata laitiiti. E manaia le luiina o oe lava. Ae ia manatua o sini laiti e mamana foi. “O mea laiti ma faatauvaa e faataunuu ai mea sili” (Alema 37:6).
Ia faapatino. “O le a ou fesoasoani i le fale.” O se sini lelei lenei, ae e fai si le manino. “O le a ou fesoasoani i le fale e ala i le teuina o a’u mea i aso taitasi.” O se sini lelei tele lena. O loo patino. O se fuafuaga.
Faasoa atu lau sini. Talanoa e uiga i lau sini i se matua, faiaoga, po o se uo. Fai atu ia i latou e lagolago oe. O nisi taimi o le i ai o se tasi e aapa atu ma uunaia oe o se malosiaga lea o loo e moomia.
Fai ni faamanatu. Afai e te manao e manatua au sini, tusi i lalo. Tuu se kopi o au sini i le mea o le a e vaai i ai i aso uma. Ia felanulanuai ma fatufatua’i!
Ia faatuatua. “E tatau ona tatou faatuatua i le Atua,” na saunoa ai Peresitene M. Russell Ballard. “E ao ona faatuatua i le Alii o Iesu Keriso. Ma e ao ona tatou faatuatua ia i tatou lava.”^* E mafai ona e faia! O le a fesoasoani Le Atua ia te oe.