“Founga ke Fiefia Aí,” Ko e Kaumeʻá, Fēpueli 2024, 2–3.
Mei he Kau Palesitenisī ʻUluakí
Founga ke Fiefia Aí
Naʻe toʻo mei he “Joy and Mercy,” Ensign, Nov. 1991, 73–75; mo e “ʻE Iku Nai ʻEni ki Fē?” Liahona, Mē 2019, 60–62.
Tā fakatātā ʻa Audrey Day
Naʻe akoʻi ʻe he palōfita ko Līhaí “ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá” (2 Nīfai 2:25). Naʻe faʻu kitautolu ʻe he Tamai Hēvaní ke tau maʻu ʻa e fiefiá. ʻOkú Ne finangalo ke tau foki ange kiate Ia. ʻOkú Ne finangalo ke tau fiefia ʻi he moʻuí ni.
ʻOku anga fēfē ʻetau fekumi ki he fiefiá pe nēkeneká? Naʻe fakaafeʻi ʻe he Tuʻi ko Penisimaní hono kakaí ke nau “fakakaukau ki he tuʻunga monūʻia mo fakafiefia ʻo kinautolu ʻoku tauhi ʻa e ngaahi fekau ʻa e ʻOtuá. He vakai, ʻoku nau monūʻia ʻi he meʻa kotoa pē” (Mōsaia 2:41).
ʻOku ʻofa ʻa e Tamai Hēvaní mo Hono ʻAlo ko Sīsū Kalaisí, ʻiate koe. Ko ʻEna palani maʻatautolú ko e “palani lahi ʻo e fiefiá” (ʻAlamā 42:8). ʻOku tataki kitautolu ʻe he palani ko iá mo ʻEna ngaahi fekaú ki he fiefia mo e nēkeneka maʻongoʻonga tahá.
ʻOku ou tapou atu kiate kimoutolu takitaha ke mou fekumi ki he fiefia ko ia ʻoku maʻu mei hono tauhi ʻo e ngaahi fekau ʻa e ʻOtuá.
Ngaahi Fili Fakafiefiá
Naʻe akoʻi ʻe Palesiteni ʻOakesi ʻoku maʻu ʻa e fiefiá ʻi hono tauhi ʻo e ngaahi fekaú. Tā ha fofonga malimali ʻi he tafaʻaki ʻo e fili lelei takitaha mo ha fofonga mamahi ʻi he tafaʻaki ʻo e fili takitaha ʻoku halá. Ko e hā ha foʻi fili lelei kuó ke fai?