“Mālō e Lelei mei Polivia!” Ko e Kaumeʻá, Fēpueli 2024, 8–9.
Mālō e Lelei mei Polivia!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ko Poliviá ko ha fonua ia ʻi Saute ʻAmelika. ʻOku laka hake ʻi he kakai ʻe 12 milioná ʻoku nofo ʻi aí!
Lea Fakafonuá
ʻOku lahi hake ʻi he lea fakafonua fakaʻofisiale ʻe 30 ʻi Poliviá. Ko e tokolahi taha ʻo e kakaí ʻoku nau lea faka-Sipeini. Ko e ngaahi lea fakafonua angamaheni kehé ko e Kuekua, ʻAimela, mo e faka-Kualani.
Kau Sepelā (zebra) Tokoní
ʻOku tui teunga sepelā ʻa e kau ngāue kei talavou ʻi he kolo ko La Pasí mo tokoniʻi ʻa e kakaí ke nau hao he kolosi ʻi he halá. ʻOku nau ʻaʻahi foki ki he fānau ʻi he ngaahi ʻapiakó mo e falemahakí.
Temipale ʻe Tolu
Naʻe fakatapui ʻa e fuofua temipale ʻi Poliviá ʻi he 2000 ʻi Kosapamipā. ʻOku teu ke langa mo ha temipale ʻe ua ʻi La Pasi mo Sanitā Kulusi!
Fanga Monumanu ʻo e Vaotaá
ʻOku ʻi ai ʻa e konga ʻo e vaotā ʻAmasoní ʻi Polivia. Ko e nofoʻanga ia ki ha fanga monumanu lahi, ʻo kau ai ʻa e kōkií (macaws), silofí (sloths), mo e ʻota (otters) lalahí.
Ngaahi tā fakatātā ʻa Natalie Briscoe