“Ngaahi ʻEkitivitī ʻo e Haʻu, ʻo Muimui ʻIate Aú” Haʻu, ʻo Muimui ʻIate Aú,” Ko e Kaumeʻá, Fēpueli 2024, 28–29.

Ngaahi ʻEkitivitī ʻo e Haʻu, ʻo Muimui ʻIate Aú

Maʻá e efiafi ʻi ʻapí pe ako folofolá—pe ke maʻu pē ha fiefia!

29 Sānuali–4 Fēpueli

Ngaahi Tokoni ki he Liahoná

Naʻe tataki ʻe he Liahoná ʻa e fāmili ʻo Nīfaí ki he fonua ʻo e talaʻofá (vakai, 1 Nīfai 18:21–23). ʻAi ha taha ke ne fufuuʻi ha meʻa. ʻOku taufetongi ʻa e tokotaha kotoa ʻi hono ʻeke ki he tokotaha naʻá ne fai ʻa e fufuú ha ngaahi fehuʻi ʻio-pe-ʻikai ke nau lava ʻo maʻu fakataha ʻa e meʻa naʻe fufuuʻí.

5–11 Fēpueli

Fehangahangai ʻi he Meʻa Kotoa Pē

Maʻá e 2 Nīfai 1–2

Naʻe akoʻi ʻe Līhai ko hono fakatou maʻu ʻo e taimi leleí mo e koví ko ha konga ia ʻo e palani ʻa e ʻOtuá maʻatautolu ʻi he māmaní (vakai, 2 Nīfai 2:11). Hiki ʻa e ngaahi foʻi lea ʻoku fehangahangai (hangē ko e “lōloa” mo e “nounou”) ʻi ha ngaahi laʻipepa pea faʻo kinautolu ʻi ha poulu. Taufetongi ʻi hono lau ʻo e laʻipepá. Vakai pe ko hai ʻe vave taha ʻene lava ʻo mateʻi ʻa e fehangahangai ʻo e foʻi lea takitaha!

12–18 Fēpueli

Ngāue Fakataha ʻi he Folofolá

Maʻá e 2 Nīfai 3–5

ʻOku ngāue fakataha ʻa e Tohi ʻa Molomoná mo e Tohi Tapú ke akoʻi ʻa Sīsū Kalaisi kiate kitautolu (vakai, 2 Nīfai 3:12). Fai ha vaʻinga kau ki he ngāue fakatahá! ʻAi ha taha ke ne nusinusi ha ngaahi laʻipepa ke hoko ko ha ngaahi foʻi pulu pea laku ia ki ha poulu. Tuku ki ha taha kehe ke ne feingaʻi ke taʻofi ke ʻoua naʻa tō ʻa e ngaahi laʻipepá ki he poulú. ʻAhiʻahi leva ia he taimí ni mo ha toko ua ke na tolo ʻa e laʻipepá ki loto. Ko e fē ʻa e taimi naʻe faingofua ange ai ʻa e tō ʻa e ngaahi laʻipepá ki he poullú?

19–25 Fēpueli

Ngaahi Tāpuaki ʻo e Foʻi Pulu Ulapá

Maʻá e 2 Nīfai 6–10

Naʻe pehē ʻe Sēkope te tau lava ʻo fiefia koeʻuhí ko e ngaahi tāpuaki ʻoku foaki mai ʻe he Tamai Hēvaní maʻatautolú (vakai, 2 Nīfai 9:3). Tātā ha foʻi pulu. ʻI he taimi te ke taaʻi ai ʻa e foʻi pulú, lea ʻaki ha tāpuaki kuo foaki atu ʻe he Tamai Hēvaní maʻau. Hokohoko atu pē ki he lōloa taha te ke lavá!