Ko e Liahoná

Naʻe folofola ʻa e ʻEikí kia Līhai ke ʻalu mo hono fāmilí ki he fonua ʻo e talaʻofá. Ka naʻe ʻikai ke nau ʻilo pau ʻa e founga ke nau aʻu ai ki aí.

Naʻe ʻoange ʻe he ʻEikí kia Līhai ha meʻangāue makehe. Naʻe hangē ia ha kāpasá. Naʻe tuhu ia ki he feituʻu naʻe totonu ke nau ʻalu ki aí. Naʻa nau ui ia ko e Liahoná.

Naʻe ngāue ʻa e Liahoná ʻi he taimi naʻa nau tauhi ai ʻa e ngaahi fekaú. Naʻá ne tataki kinautolu ki he feituʻu ʻoku malu mo maʻu ai ha meʻakaí. Ka ʻi he taimi naʻa nau fakakikihi mo talangataʻa aí, naʻe ʻikai ke toe ngāue ʻa e Liahoná.

Naʻe muimui ʻa e fāmili ʻo Līhaí ʻi he Liahoná koeʻuhí ka nau lava ʻo aʻu ki he fonua ʻo e talaʻofá. ʻI he taimi ʻoku tau fili ai ʻa e meʻa ʻoku totonú, ʻe tataki foki kitautolu ʻe he Tamai Hēvaní.