“Ko e Muimui kia Sīsū ʻi Poliviá,” Ko e Kaumeʻá, Fēpueli 2024, 6–7.

Ko e Muimui kia Sīsū ʻi Poliviá

Ko e Anga e Muimui ʻa Tavinia kia Sīsuú

ʻOku muimui ʻa Tavinia ʻia Sīsū ʻaki ʻene ʻalu ki he lotú. ʻOkú ne saiʻia ʻi he fanongo ki he ngaahi fakamoʻoni ʻa e kakaí. ʻOkú ne pehē, “ʻOku ou fiefia ke ako ha ngaahi meʻa lahi ʻi he Palaimelí.”

Naʻe ʻi ai ha taimi naʻá ne ʻalu ai mo hono fāmilí ki he Temipale Cochabamba Bolivia. Naʻe hū atu ʻene ongomātuʻá mo hono ngaahi tuongaʻané ke fai papitaiso maʻa hono fāmilí. Lolotonga ʻa e tangutu ʻa Tavinia mo hono kāingá ʻi he loki talitalí, naʻá ne ongoʻi ʻa e Laumālié. ʻOkú ne pehē, “Naʻá ku ongoʻi fiefia koeʻuhí he ʻoku ou ʻilo ko e temipalé ko e fale ia ʻo e ʻOtuá.”

ʻOku vēkeveke ʻa Tavinia ke fakahoko ha ngaahi papitaiso ʻi he temipalé ʻi ha ʻaho. ʻE vavé ni pē hano langa ha temipale ʻo ofi mai ki hono ʻapí! ʻOkú ne teuteu ʻaki ʻene ʻalu ki he lotú, lau ʻa e folofolá, mo fai ʻene lotú.

Fekauʻaki mo Tavinia

Mālō e lelei!

Taʻu Motuʻá: 10

Mei: Sanitā Kulusi, Polivia

Lea Fakafonuá: Faka-Sipeini

Taumuʻá: 1) Hoko ko ha toketā ki he fanga manú. 2) Ako ke poto ʻi hono tā ʻo e pianó.

Ngaahi Meʻa ʻOku Manako Aí: Ngaohi ʻo ha ngaahi ngāue fakameaʻa

Fāmilí: Tavinia, Mami, Teti, ngaahi tuongaʻane lalahi ʻe toko tolu, mo ʻenau kulií (Penisiō)

Ngaahi Meʻa ʻOku Saiʻia ai ʻa Taviniá

Talanoa ʻo e Tohi ʻa Molomoná: Ko e fononga ʻa Nīfai ʻi he toafá

ʻAho Mālōlō: Kilisimasi

Fuaʻiʻakau mo e vesitapolo: Situloapeuli mo e kiukamipā

Lanu: Vāleti

Hiva Palaimelí: “Fānau Au ʻa e ʻOtuá” (Tohi Hiva ʻa e Fānaú, 2)