Naʻe Foʻu ‘e Nīfai ha Vaka

Naʻe fekau ʻe he ʻEikí kia Nīfai ke ne foʻu ha vaka ke lava ʻo folau ai hono fāmilí ki he fonua ʻo e talaʻofá. Ko e ngaahi meʻa ʻe tolu naʻe fiemaʻu ʻe Nīfai ke foʻu ʻaki ʻa e vaká ko e ngaahi meʻangāue, ngāue mālohi, mo e tui ki he ʻOtuá (vakai, 1 Nīfai 17:7–16; 18:1–4).

Ngaahi Meʻangāué. Naʻe lotu ʻa Nīfai ke ne ʻiloʻi ʻa e feituʻu te ne lava ʻo maʻu ai ʻa e ngaahi naunau totonu ke ngaohi ʻaki ʻa e ngaahi meʻangāué. Naʻe tokoni ʻa e ʻEikí ke ne maʻu ha ngaahi foʻi maka ʻumea (ukamea) ʻo fakavaiaʻi ke foʻu ʻaki ha ngaahi meʻangāue.

Ngāue mālohi. Naʻe fiemaʻu ke tānaki ʻe Nīfai ha ʻakau ke foʻu ʻaki hono vaká. ʻOku fiemaʻu ha ngāue lahi ki hono fetuku mo tā ʻo e ʻakaú!

Tui ki he ʻOtuá Naʻe tui ʻa Nīfai ʻe fakahā ange ʻe he ʻOtuá kiate ia ʻa e meʻa ke ne faí. Naʻá ne tui ʻe lava ke tokoniʻi ia ʻe he ʻOtuá. Naʻe tui foki ʻa Nīfai ʻe tataki ʻe he ʻOtuá ʻa hono fāmilí ki he fonua ʻo e talaʻofá.

Tukupā ʻo e Folofolá

Ko e hā hono fuoloa ʻa e hokohoko atu ʻa e matangí pea toki vete ʻe Leimana mo Lēmiuela ʻa e ngaahi haʻi ʻo Nīfaí? (Tokoni: 1 Nīfai 18:15)
Naʻe akonaki ʻa Līhai fekauʻaki mo hono fakahoko ʻetau ngaahi filí. ʻOku ui ʻeni ko e hā? (Tokoni: 2 Nīfai 2, ʻuluʻi fakamatala ʻo e vahé)
Ko hai ʻa e palōfita ʻi he Fuakava Motuʻá naʻe ʻuhinga ki ai ʻa Sēkope ʻi he 2 Nīfaí? (Tokoni: 2 Nīfai 6:4–5)

ʻOku Ou Lava ʻo Lau ʻa e Tohi ʻa Molomoná!

Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha ʻo e Haʻu, ʻo Muimui ʻIate Aú.

Uike 1: 1 Nīfai 18:9–22
Uike 2: 2 Nīfai 2:6
Uike 3: 2 Nīfai 5:27
Uike 4: 2 Nīfai 9:21