Riri nō Pāsa i hāmani-rima-hia

E nehenehe te mau riri nō Pāsa e tauturu ia tātou ’ia ha’amana’o i te ti’afa’ahoura’a o Iesu Mesia. E tupu te ’ōniani o te riri i raro a’e i te repo nō te hō’ē tau roa, hou ’a ’ua’a ai i te tau fa’atupura’a rā’au. I muri a’e i te pohera’a o Iesu, ’ua tu’uhia tōna tino i roto i te hō’ē mēnema. I muri mai rā e toru mahana, ’ua ora fa’ahou mai ’oia !

’A hāmani i tā ’outou iho mau riri nō Pāsa ma te pe’era’a i teie mau arata’ira’a.

’A rēni i te atira’a o tō ’outou rima i ni’a i te hō’ē ’api parau ’e ’a pā’oti i te reira.
’A ’ōtaro i te reira nō te hāmani i te hō’ē tounu ’e ’a tāpiri i te reira i te ’ī’iru. ’A vaiiho i te hō’ē ’āpo’o iti i raro.
’A ’ōtaro i te manimani rima tāta’itahi i ni’a i te hō’ē pēnitara.
’A pāti’a i te hō’ē rā’au roa i roto i te ’āpo’o ’o tā ’outou tiare ’ei ’ata tiare. Tāpiri i te tiare i ni’a i te ’ata. Fa’ahepo-’ore-hia : Pēni i te tuha’a ni’a o te rā’au i te ’ū re’are’a ’e te tuha’a raro ’ei ’ū matie. ’A tu’u i te mau rau’ere ’api parau.