Te mau niu o te ’evanelia

E aha te Pāsa ?

E taime ta’a ’ē te Pāsa nō te ha’amana’o ia Iesu Mesia.

I te Pāsa, e ha’amana’o tātou ē, ’ua ’ite Iesu e aha tā tātou e putapū nei. ’Ua ’ite ’oia i tō tātou mau māuiui ’e tō tātou ’oto.

’Ua pohe Iesu i ni’a i te sātauro nō te mea ’ua here ’oia ia tātou. ’Ua tu’uhia tōna tino i roto i te hō’ē mēnema.

I muri a’e e toru mahana, ’aita e ta’ata i roto i te mēnema. ’Ua ora fa’ahou Iesu ! Tē pi’i nei tātou i te reira te ti’afa’ahoura’a.

Maoti Iesu, e ora fa’ahou tātou pā’āto’a i muri mai i tō tātou pohera’a. E nehenehe tātou e putapū i te here ’o te Metua i te ao ra ’e ’o Iesu i te mau mahana ato’a, ’eiaha noa i te Pāsa !