E aha tā ’oe e mana’o ra ?

Nō te aha te mea tā’u e māta’ita’i nei ’aore rā e fa’aro’o nei e mea faufa’a roa ? ’Aita te reira e ha’amāuiui nei i te hō’ē ta’ata.

—Hapa ’ore i Helsinki

Hōho’a

PDF nō te ’ā’amu

Fa’ahōho’ara’a nā Shawna J. C Tenney

E te hapa ’ore ē,

E fa’atupu te mau mea ato’a tā ’oe e māta’ita’i nei ’aore rā e fa’aro’o nei, i te huru ’a feruri ai, ’a putapū ai ’e ’a ’ohipa ai ’oe. ’E e fa’atupu te reira i te ta’ata tā ’oe e riro mai.

Nō te riro mai tō ’oe iho ta’ata maita’i roa a’e, ’a māta’ita’i ’e ’a fa’aro’o i te mau mea maita’i roa a’e. ’Ua ha’api’ihia tātou ’ia ’imi i te mau mea « maita’i, ’e te fa’ahiahia, te ro’o maita’i ’aore rā e poupouhia ra » (Te mau Hīro’a Fa’aro’o 1:13). ’E e nehenehe tātou e ’ite ē, e mea maita’i te hō’ē ’ohipa mai te mea e hōro’a mai te reira ia tātou i te hina’aro ’ia rave i te maita’i ’e « ’ia ti’aturi i te Mesia » (Moroni 7:16). E mea faufa’a roa te mau mea tā ’oe e māta’ita’i ra ’aore rā e fa’aro’o ra, nō te mea e mea faufa’a roa ’oe.

Mā te here,

Te Hoa

Tāpura hi’opo’ara’a nō te mau rāve’a ha’apararera’a maita’i

’A fa’a’ohipa i teie tāpura hi’opo’ara’a nō te ha’apāpū ē, tē hōro’a nei ’oe i tō ’oe roro fa’ahiahia roa i te mau rāve’a ha’apararera’a fa’ahiahia roa !

E mea fa’auruhia ’e e tauturu te reira iā’u ’ia fāri’i i te au maita’i i roto iā’u.
E ha’api’i te reira iā’u i te mau mea maita’i.
E tauturu te reira iā’u ’ia hina’aro e ha’apa’o i te mau fa’auera’a a te Atua.
E fa’auru te reira iā’u ’ia rave i te mau mea maita’i.
E mea tura ’e e tū’ati te reira i te mau fa’aturera’a a tō’u ’utuāfare.