Auauna Atu i E Manaomia le Fesoasoani

Saunia e Peresitene Dallin H. Oaks

Fesoasoani Muamua i le Au Peresitene Sili

Ata

Dallin H. Oaks

Fetuunai mai le “Fesoasoani i e Matitiva ma Mafatia,” Liahona, Nov. 2022, 6–8.

Ata

Alii o loo aoaoina tamaiti i lalo o le laau

Ua tuuto Le Ekalesia a Iesu Keriso o le Au Paia o Aso e Gata Ai i le auauna atu ia i latou e manaomia le fesoasoani. E aoga i le toatele o tagata le faia o lenei mea. Ua musuia fanau uma a le Atua e auauna atu le tasi i le isi i le mea sili latou te mafaia.

O se faataitaiga lelei o le auauna atu o se alii e igoa ia Mr. Gabriel. Sa ia vaaia le toatele o tamaiti i Aferika i Sasae sa manaomia le fesoasoani. Sa ia fai atu i isi faiaoga e fesoasoani ia te ia e fai le mea ua latou ta’ua o “aoga i laau.” Na omai tamaiti e fai ni lesona i lalo o le paolo o se laau. O Mr. Gabriel sa le’i faatali mo isi e faia se mea. Sa ia faia le mea na te mafaia e fesoasoani ai i le faitau afe o tamaiti e aoao.

Ou te molimau ia Iesu Keriso. O Lona malamalama ma le Agaga e taialaina i tatou uma i le fesoasoani atu i isi i le lalolagi atoa.

Sailiga Oa o Auaunaga

E mafai ona e faia se eseesega e faapei o Mr. Gabriel! Fai le tele o gaioiga o i lalo e te mafaia: E mafai ona e faia uma le 10?

Faamama mo se tasi.
Tuu atu i se tasi se meaalofa na fai i le fale.
Tuua se faamatalaga tusitusia agalelei ina ia maua e se tasi.
Fai se uo fou.
Valaau pe asiasi i se tasi ua tuuatoatasi.
Tuu atu i se tasi se tusi faafetai.
Piki i luga ni fasi lapisi se lima.
Fesili i se tuaoi pe mafai faapefea ona e fesoasoani ia i latou. Ona fai loa lea!
Faasoa atu se mea (e pei o se meaai po o se meataalo) i se tasi.
Ataata i se tasi ma faatalofa atu!

Ata

O le auala fepiopioa’i ma tamaiti o loo faia mea lelei i le ala

Ata na tusia e Shawna J. C. Tenney