O Auala e 5 e Fausia ai Lau Molimau

Saunia e Charlotte Larcabal Speakman

Itulau PDF ma poloka numera felanulanuai

Afai e te manao e faamalosia lau molimau, o se tala fiafia—ua e i ai i lou ala! Na aoao mai Alema o le i ai o se manao e talitonu o le laasaga muamua lea (tagai Alema 32:27). O lea la, malo galue! O auala nei e lima e mafai ona e fausia ai lau molimau.

Tatalo ma fai ni fesili. Sa tatalo Iosefa Samita i le Tama Faalelagi e uiga i le tele o fesili. Faapena foi Nifae. Ma sa la mauaina uma ni molimau mamana ona o lena mea! O le faia ma le agaga tatalo o fesili e mafai ona fesoasoani e tuputupu a’e ai lau molimau.
Ola ai Ua fetalai mai Iesu Keriso a tatou filifili e fai le finagalo o le Tama Faalelagi, o le a tatou “iloa Lana mataupu” (tagai Ioane 7:17). O lona uiga afai tatou te ola i le talalelei, o le a tatou iloa e moni!
Faalogo i le Agaga Paia. Ia gauai atu i mafaufauga ma lagona o ia te oe a o e faitauina tusitusiga paia, usu pese o le Peraimeri, ma faalogologo i le lotu. O savali na mai le Tama Faalelagi ia te oe, na auina mai e ala i le Agaga Paia.
Faasoa mea ua e talitonuina. “Tatou te maua pe faamalosia se molimau e ala i le tuuina atu,” na saunoa ai Peresitene Dallin H. Oaks. Pe a e fai atu e moni mea e te talitonu i ai, o le a molimau atu le Agaga Paia ia te oe.
Manatua. E mafai ona e tausia se tamai api pe tusifaamaumau oe lava ia o talanoa e uiga i aafiaga faaleagaga na e maua. O le toe foi mai i nei manatuaga o le a fesoasoani e faamalosia ai lau molimau.