“Totoina o Laau,” Uo, Iuni 2024, 42.
Tusia e You
Totoina o Laau
Talofa! Talofa lava!
Talu ai nei sa faia ai e le matou Peraimeri ni auaunaga faalenuu e fesoasoani ai i le siosiomaga. Sa toetoe lava a le mafai na ou alu ona ou te nofo mamao mai le lotu, ae ou te matua faafetai lava ona sa mafai e o’u taitai o le Peraimeri ona fesoasoani mai ia te a’u ia maua sau taavale.
Ina ua matou taunuu i le nofoaga o le galuega faatino, sa palapala, malulu, ma susū. Ae sa le’i taofia ai matou e lena mea! Sa tuuina mai i tamaiti taitasi se laau e tasi e toto, ma sa faaali mai e o matou taitai Peraimeri ia i matou le ala e toto ai. A o matou galulue, sa matou aoaoina pe aisea e taua tele ai laau.
Sa ou aoaoina o laau e fesoasoani e puipuia le lalolagi. Latou te aumaia ia i tatou fualaau aina, vailaau, ma fafie. Latou te tuuina mai foi ia i tatou le okesene e manava ai.
O la’u savali i tagata uma e tatau ona tatou totoina ni laau se tele ma tele atu! Ma vaavaai mo ni auala e fesoasoani ai e auauna atu i le alalafaga. Ou te faafetai mo lenei aafiaga ma mea uma na aoaoina ai a’u.
Ata na tusia e Katie Rewse