“Mulimuli ia Iesu i Peleseuma,” Uo, Iuni 2024, 6–7.
Mulimuli ia Iesu i Peleseuma
Feiloai ia Eloïse ma Maëline!
O Le Ala e Mulimuli ai Eloïse ma Maëline ia Iesu
E mulimuli Eloïse ia Iesu Keriso e ala i le tatalo mo le faamafanafanaga. Talu ai nei, na maliu ai lo la tamamatua. Sa faanoanoa tele ai o ia. Ae o le talanoa atu i ana uo, aiga, ma le Tama Faalelagi na fesoasoani ia te ia e faaitiitia ai le lagonaina o le tuuatoatasi. “Ou te iloa afai ou te fia talanoa i le Tama Faalelagi, e mafai ona ou tatalo ma Na te faafofoga mai ia te a’u,” o lana tala lea.
E mulimuli Maëline i le Faaola e ala i le faasoa atu o lana molimau i ana uo. A o suesue lona aiga i tusitusiga paia, sa ia aoao ai e uiga i le ala na lagona ai e Iesu Keriso tiga uma mai tagata uma a o i ai o Ia i Ketesemane. Sa manao o ia e faasoa atu lana molimau e uiga ia te Ia i lana uo. “Sa ou ta’u atu i la’u uo afai e i ai sona tiga, e mafai e Iesu ona fesoasoani ia te ia,” o le tala lea a Maëline.
E Uiga ia Eloïse ma Maëline
Tausaga: 10 ma le 7
Mai: Hainaut, Peleseuma
Gagana: faaFarani ma le faaTake
Sini: E manao Eloïse e avea ma se tausitama. E manao Maëline ia avea ma se tagata pese ma ia lelei atili i le tusiata.
Mea e fiafia i ai: E fiafia Eloïse i taaloga ma tamomoe ma lona tina. E fiafia Maëline e tusi ata, siva, pese, kuka, ma auvatu kisi ma fusifusi.
Aiga: Eloïse, Maëline, Tina, Tama, ma le tuagane e toatasi.
O Mea La Te Fiafia I Ai
Tala o Tusitusiga Paia: O le mau e fiafia i ai Eloïse o le Moronae 10:5 e uiga i le Agaga Paia. E fiafia Maëline i le tala e uiga i le pepe o Mose (tagai Esoto 1–2).
Tu ma Aga Masani Faaleaiga: E fiafia Eloïse e matamata i ata tifaga ma lona aiga. Ma e fiafia Maëline e asiasi i Farani ma aiga i tausaga uma.
Fualaau aina: O le fualaauaina e sili ona fiafia i ai Eloïse o fa’i. E fiafia Maëline i strawberries, apu, raspberries, meleni, vinemoana [blueberries].
Lanu: O lanu e fiafia i ai Eloïse o le lanu viole ma le lanumoana. O le lanu e fiafia i ai Maëline o le lanu piniki.
Pese a le Peraimeri: O le pese e fiafia i ai Eloïse o le “I Will Walk with Jesus” (Uo, Fepuari 2020, 27). O le pese e fiafia i ai Maëline o le “Ou Te Fia Vaai i le Malumalu” (Tusipese a Tamaiti, 99).
O Ata na Pueina e Ashlee Larsen