Uo
Ataata ma Lou Loto
Iuni 2024

“Ataata ma Lou Loto,” Uo, Iuni 2024, 32–33.

Uo i le Uo

Ataata ma Lou Loto

Saunia e Sister Amy A. Wright

Fesoasoani Muamua i le Au Peresitene Aoao o le Peraimeri

Ata
Amy A. Wright

Mai le Facebook, Nov. 15, 2022, facebook.com/Primary1stCounselor.

Ata
Moli faasino auala e siepi i le malamalama o le fatu

Sa ou asiasi i se tasi taimi i se taulaga aulelei i Aisalani. I se taimi vave, sa ou matauina ai o moli faasino auala sa mamanuina e pei o ni fatu! Sa ou fesili i ai ma aoaoina le tala.

I tausaga ua mavae, sa maua tagata Aisalani i ni faigata. Sa tonu i le taulaga e fai se mea e fesoasoani ai i tagata ia toe fiafia. Sa latou faaigoaina le galuega faatino o le “Ataata ma Lou Loto”. Sa latou suia moli faasino auala ma fai atu i tagata e faatautau fatu mai faamalama. Sa fesoasoani fatu i tagata uma ia manatua e alolofa i isi ma maua le faamoemoe.

Sa ta’u mai e se tasi tagata ia te a’u o le galuega faatino sa faia e fesoasoani ia faamanatu atu ia i latou ia agalelei le tasi i le isi. Sa latou fai mai foi na fesoasoani ia i latou e taofi ma mafaufau e uiga i mea e sili ona taua i le olaga.

Na faaali mai e lenei mea ia te a’u e leai se faatinoga o le agalelei e laitiiti tele. O se mea e faigofie e pei o se moli faasino ala e mamanuina i le fatu e mafai ona faamanatu atu ai i se tasi lo latou taua, tuu atu ia i latou le faamoemoe, ma fesoasoani ia i latou ia oo atu i se isi aso.

Ou te tatalo o le a tatou maua auala e faasoa atu ai le alofa o le Atua ia i latou o siomia i tatou. Aua, “o mea laiti ma faatauvaa e faataunuu ai mea sili” (Alema 37:6).

O Manoa o le Fatu

Fai le fatu lenei ma tautau i luga e fesoasoani ia te oe ia manatua e faasoa atu le alofa i isi.

  1. Lolomi se fatu i luga o se ipu pepa po o se fasi pepa mamafa. Faaaoga vali po o maka e valivali ai le ipu pe a e manao ai.

  2. Oti ma le faaeteete le fatu. Motugaafa: Tui se pu i le ogatotonu o le fatu e fesoasoani ia ofi ai lau seleulu.

  3. Faaaoga se faapu pepa po o se penitala e tui ai pu faataamilo i le faatausiusiuga o le fatu.

  4. Oti se fasi manoa po o se vulu umi ma nonoa se faapona i le faaiuga. Tulei le manoa i se tasi o pu. E mafai ona e faapipiiina le faapona i tua o le ipu e fesoasoani ai ia tumau ai.

  5. Ia “su’i” loa le manoa i se isi pu mai le mea na e amata ai. Ia faia pea lenei mea seia oo ina e su’iina i pu uma o loo siomia ai le fatu.

  6. Tuu le pu mulimuli e tasi i le pito i luga o le li’o. Faaopoopo se li’o faapona o le manoa ina ia mafai ona tautau i luga lau fatu!

Ata
Gaoioiga PDF o loo faaalia ai laasaga o le galuega taulima pepa-peleti

Ata na tusia e Tim Bradford; meataulima na saunia e Anna Oldroyd

Lolomi