E Faape’ī totonu o le Malumalu?

Ata na tusia e Rachel Erickson

I totonu, o le malumalu o se nofoaga filemu, ma le toafilemu. O loo i ai uma atavali matagofie ma nofoaga e nofonofo ai ma lagonaina le Agaga Paia. O loo i ai potu mo vaega eseese o tapuaiga i le malumalu, e pei o se potu e i ai se vai papatisoga ma potu mo aiga ina ia faamauina faatasi. Ua folafola mai perofeta e mafai ona tatou lagonaina le alofa o le Faaola i totonu o Ona malumalu paia.

Malumalu o Hague Netherlands

O le malumalu muamua lenei ua fausia i Netherlands.
O vaega o Netherlands e maualalo ifo nai lo le sami faataamilo i le atunuu. O lona uiga ua fausia le malumalu i le 3 futu (1 m) i lalo ifo o le maualuga o le sami.
Sa fausia i le aai o Zoetermeer, o lona uiga o le “vaituloto suamalie.”

Malumalu o Aba Nigeria

O le malumalu lona tolu lea ua fausia i Aferika.
Sa fausia se alalaupapa i le isi itu o le Vaitafe o Ogbor e fesoasoani ai i tagata e o atu i le malumalu.
O le aso a o lumanai le faapaiaga, sa faamanatuina ai e tagata o le Ekalesia e ala i siva ma pesepesega.