Wanwan Pleiplei blong Plan blong Stap Glad

Ol pikja oli kam long Marina Pessarrodona

Mekem pleiplei ia blong helpem yu blong tijim abaot plan blong Papa long Heven blong stap glad. Yu save ridim abaot plan ia long Alma 18:36, 39 mo Alma 22:8–16.

Katemaot ol pis andanit ia folem ol dotdot laen ia. Stikim wan hol tru long wanwan waet sekol.
Fasem wan string tru long ol hol blong joenem ol pis wetem ol toktok mo pikja we oli go wetem. Fasem wan nara string tru long hol we i stap antap.
Fasem evri string i go long wan stik. Afta hangem pleiplei blong yu antap.

Kriesen. God i krietem heven mo wol mo evri samting we i stap insaed long hem.

Foldaon blong Adam mo Iv long Sin. Adam mo Iv i bin jusum blong kakae frut ia blong tri blong save gud mo nogud. Hemia i mekem se tufala i save gat wan famli.

Laef long Wol ia. Yumi evriwan i bon i kam long wol ia blong lan mo gro.

Atonmen blong Jisas Kraes. Jisas Kraes i bin kam long wol. Olsem pat blong Atonmen blong Hem, Hem i bin filim evri harem nogud blong yumi mo i pemaot ol sin blong yumi. Hem i bin ded mo i laef bakegen. From Jisas, yumi save sakem sin mo laef bakegen wetem Papa long Heven afta we yumi ded.