“Wan Storian wetem Alan abaot Ol Toktok blong Bilif,” Fren, Julae 2024, 40–41.
Wan Storian wetem Alan abaot Ol Toktok blong Bilif
Alan i blong Malaga, Spen. Mifala i bin askem sam kwestin abaot olsem wanem hem i bin lanem Ol Toktok blong Bilif.
Talem long mifala abaot yuwan.
Mi gat 8 yia. Taem mi groap, mi wantem kam wan man blong saens we plante man i save long mi. Fevret kala blong mi hem i orenj, mo fevret kaekae blong mi hem i tortillas de patatas (ol spanis eg we oli kukum) we Apu Woman blong mi i stap mekem.
?Olsem wanem nao yu bin lanem Ol Toktok blong Bilif?
Mi stat blong lanem olgeta long Praemeri. Mifala i bin singsing ol singsing blong helpem mifala blong lanem baehat. Samtaem ol tija blong mifala oli raetem long blakbod mo karemaot sam toktok blong hem. Mifala i bin droem ol pikja tu blong eksplenem wanem wanwan long Toktok blong Bilif i minim.
Mi bin praktisim tu blong stap talem wetem famli blong mi long trak taem mifala i stap go long skul. Mi stap helpem smol sista blong mi, Maia, blong lanem tu. !Hem i save finis ol fas sikis!
?Wij Toktok blong Bilif i fevret blong yu?
Mi mi laekem namba naen. “Mifala i biliv long evri toktok we God i bin talemaot finis, evri toktok we Hem i stap talemaot naoia, mo mifala i biliv we bambae Hem i talemaot yet plante bigfala mo impoten samting abaot kingdom blong God.” Hem i tijim se Papa long Heven i gat plante moa samting blong yumi blong lanem smol afta smol.
?Olsem wanem nao blong stap save Ol Toktok blong Bilif i helpem yu?
Wan dei long skul, fren blong mi Sophia i bin askem mi wanem we mi bilif long hem mo sapos mi blong eni relijin. Mi tingbaot fas Toktok blong Bilif, we i talem, “Mifala i biliv long God Papa we I No Save Finis mo long Pikinini blong Hem, Jisas Kraes, mo long Tabu Spirit.” Mekem se mi serem wetem hem.
Mi talem long hem tu se mi mi wan Kristin mo wan memba blong Jos Ia blong Jisas Kraes blong Ol Lata-dei Sent. Hem i lisin long mi mo i andastanem wanem we mi bin serem wetem hem.
?Eksperiens ia i bin mekem yu filim olsem wanem?
Mi bin filim gud tumas from mi bin save se mi no bin fraet blong serem ol bilif blong mi wetem fren blong mi. From had wok blong mi blong lanem Ol Toktok blong Bilif, mi bin save serem gospel mo save wanem blong talem.
Ol pikja droing i kam long Toby Newsome