I Kam long Fas Presidensi

Stap Serem Wanem We Yu Bilivim

I Kam long Presiden Henry B. Eyring

Seken kaonsela long Fas Presidensi

Henry B. Eyring

Oli karemaot long “A Child and a Disciple,” Liahona, May 2003, 29–32.

Man long wan blakbod

Papa blong mi i wan saentis. Wantaem, mi bin ridim wan toktok we hem i givim long wan bigfala grup blong pipol. Long toktok ia, hem i tokbaot Kriesen mo wan Krieta taem hem i stap tokbaot saens. Mi bin save se sam pipol long grup ia oli serem semmak bilif olsem hem. Mekem se mi stap tingting mo talem long hem se, “Papa, yu bin serem testemoni blong yu.”

Hem i lukluk mi mo fes blong hem i sapraes mo i talem, “?Mi serem testemoni blong mi?” Hem i no save nating se hem i no fraet. Hem i stap talem nomo wanem we hem i save se i tru.

Plante long yumi we yumi bin baptaes, yumi promes blong serem gospel. Yumi save prea wetem fet blong filim lav blong Sevya long yumi mo long evriwan we yumi mitim. Bae yu filim glad abaot Jos blong Lod mo wok blong Hem, mo bae ol man oli luksave. Blong stap tokbaot wanem we yu biliv long hem bae i kam pat blong huia yu.

Ol Simpol Wei blong Serem Samting

!Yu save serem gospel long plante wei! Raetem wanem yu save talem long wanwan man o woman blong serem wanem we yu biliv long hem. Oli mekem fas wan blong yu.

?Olsem wanem long wiken blong yu?

!Gud! Mi bin go long jos.

Plante pipol oli gat ol defren bilif blong relijin. ?Yu yu biliv long wanem?

Apu man blong mi i sik. ?Bae yu save prea from hem?

Aktiviti PDF i stap soem tu gel i stap toktok, wan gel i stap leftemap han blong hem long skul, mo tu boe oli stap toktok

Ol pikja droing oli kam long Alyssa Tallent