“Stap Folem Jisas long Nikaragwa,” Fren, Julae 2024, 6–7.
Stap Folem Jisas long Nikaragwa
!Mitim Felix!
Olsem Wanem Nao Felix i Stap Folem Jisas
Felix i stap folem Jisas taem hem i stap obei. Hem i stap prea, traem blong obei long ol komanmen, mo go long jos. “Mi lanem fulap samting long Praemeri,” hem i talem. “Long Praemeri, i gat fulap pikinini mo mifala i lanem abaot Jisas Kraes.”
Felix i laekem blong pleiplei wetem kasen blong hem. Be samtaem hem mo kasen blong hem i no stap agri long samsamting tugeta. “Papa long Heven i helpem mi blong gat fasin blong save wet long taem,” hem i talem.
Felix i stap helpem ol narawan tu. Long skul, Felix i bin luk se wan fren blong hem long klas i nogat wan smol kaekae. Felix i serem smol kaekae blong hem. Hem i stap lukaot long smol sista blong hem tu. Hem i mekem sua se sista blong hem i stap sef mo i stap kaekae ol kaekae we oli smosmol nomo.
Abaot Felix
Yia: 7
Hem i blong: Managwa, Nikaragwa
Lanwis: Spanis
Gol: 1) Blong kam wan astronot mo go long mun mo ating long Mars tu. 2) Fidim faol sam dei.
Ol samting hem i laekem blong mekem: Stap lanem abaot spes, plei piano, mo kuk
Famli: Felix, Mama, Papa, mo smol sista
Ol Fevret Samting blong Hem
Buk blong Momon stori: Taem Jisas i visitim Amerika mo i hilim evri pipol (3 Nifae 17)
Holidei: Krismes
Frut: Ol stroberi mo wotamelen
Kala: Blu
Praemeri Singsing: “Bae Mi Wokbaot wetem Jisas” (Friend, Feb. 2020, 27).