?Wanem Nao I Stap long Maen blong Yu?

Mi stap harem nogud tumas taem ol samting oli no save hapen long wei we mi wantem. ?Wanem nao mi save mekem?

—Quitting long Quebec

Ol pikinini oli stap soem ol defren filing

Dia Quitting,

Yumi evriwan i stap harem nogud o kros taem ol samting oli no save hapen long wei we yumi wantem. Tingbaot se Papa long Heven mo Jisas Kraes, Tufala i lavem yu mo wantem wanem we i bes blong yu. Tufala i save helpem yu wetem ol had filing. !Samtaem yumi gro moa taem ol samting oli had!

Sapos yu stap gohed blong filim se tingting blong yu i foldaon, toktok long wan bigfala man o woman we yu trastem. Afta traem wan long ol aedia ia. Raetemdaon ol aedia blong yuwan tu.

!Evri samting bae oli oraet!

Fren

Wanem Nao Mi Save Mekem

• Pulum wan longfala win mo prea from help.

• Pleiplei aotsaed o mekem wan nara samting blong spel smol.

• Raetem o droem ol filing blong mi.

• ________________________________________________

• _________________________________________________

Wanem Nao Mi Save Talem

• “Papa long Heven mo Jisas Kraes i lavem mi mo bae Tufala i helpem mi.”

• “Mi stap lanem, mo mi save traem bakegen.”

• “!Mi stap mekem bes blong mi, mo bae mi oraet!”

• _________________________________________________

• _________________________________________________