Glad blong Stap Lanem Samting

I Kam long Elda Clark G. Gilbert

Blong Olgeta Seventi

Pikja

Clark G. Gilbert

I kam long wan intaviu wetem Olivia Kitterman mo Noelle Lambert Barrus.

Mi no bin filim se mi wan gud man blong lanem samting taem mi stap gro i kam antap. Evri brata mo sista blong mi oli save samting. Oli gat ol gudfala mak long skul. Oli karem ol klas we oli moa had. Mi stap wokem traem blong go from ol had klas, be oli neva akseptem mi. Matematik i had tumas. Mekem se mi tingting se, “O, ating mi no save samting tumas.” Mi no bin ting se hemia i save jenis.

Afta long wan yia, mi bin gat wan tija we i bin givim mi tras ia long miwan, we mi bin nidim. Tija blong mi i bin luk moa talen long mi bitim we miwan mi luk. Hem i talem, “Clark, yu save kam wan gud studen. Yu nidim nomo blong biliv long yuwan.”

Mekem se mi gohed blong traem. Mi stadi moa had. Mi wok tu blong oganaesem gud mi moa. Mi lanem olsem wanem blong kipim progres blong homwok blong mi. Blong stap ofem TV i helpem mi blong lukluk moa long skul wok blong mi. I no longtaem, mi bin kam wan moa gud studen. Mo tras blong mi long miwan i bin gro.

Taem mi bin go long misin blong mi, mi luk se mi no nidim blong lanem samting miwan. Mi askem Papa long Heven from help. Mo mi lisin long Tabu Spirit. Taem mi wok had, mi save tijim mo helpem ol pipol. Taem mi kambak long hom afta long misin blong mi, mi bin go skul long kolej. Mi prea from help blong God long evri klas. Mi bin kam wan moa gud studen mo !mi iven laekem matematik!

Mi ting se blong save samting i minim blong yu save fulap samting mo skul i isi. Be i no tru. Sapos yu wantem blong mekem Lod i kam pat taem yu stap lanem samting mo wok had blong kam moa gud, !yu yu save samting!

Sapos ol samting oli had naoia, tingbaot se yu wan pikinini blong God. Yu gat bigfala paoa blong mekem samting. Yu save mekem ol samting we oli had. Gohed nomo blong praktis. Askem help long Papa long Heven. Hem i wantem yu blong yu win. !Yu save mekem hemia!

Pikja

Wan boe i stap mekem skul wok mo i stap smael

Gud Taem blong Lanem Samting

Faenem ol grup blong ol tul blong skul, long bigfala skwea andanit ia. ?Wanem nao yu laekem blong lanem abaot long skul?

Pikja

PDF aktiviti wetem ol tul blong skul long bigfala skwea

Ol pikja mo droing oli kam long Agnes Saccani.