Ol Aktiviti blong Kam Folem Mi

Blong famli haos naet o skripja stadi—o blong gat wan gud taem nomo!

1–7 Julae

Wanwan Pleiplei blong Plan blong Stap Glad

Blong Alma 17– 22

Han blong pikinini wetem ol sep we oli katemaot long pepa

Tugeta, Eron mo Amon oli bin tijim abaot plan blong Papa long Heven blong stap glad. Oli singaotem plan blong pemaot man (luk long Alma 18:36–39 mo Alma 22). Tanem i go long pej 12 blong mekem pleiplei blong plan blong stap glad blong yuwan.

Blong ol smosmol pikinini: Faenem wan pikja blong pikinini blong yu we i bebi. !Talemaot ol wei we oli bin gro stat long taem we oli bin wan bebi! Afta tokbaot olsem wanem yumi stap long wol ia blong gro olsem pat blong plan blong Papa long Heven.

8–14 Julae

Ol Tul long Han blong God

Blong Alma 23–29

Ol pikinini oli mekem ol tul wetem ol samting long hom

Amon i talem long ol brata blong hem se, “Yumi ol tul long ol han blong [God] blong mekem bigfala wok blong hem i hapen” (Alma 26:3). Karem tugeta ol samting we yu save yusum blong mekem miusik long hem. Afta mekem ol bit mo singsing. Semmak olsem we yumi yusum ol tul blong mekem miusik, God i yusum yumi blong help blong bildim Jos blong Jisas Kraes.

Blong ol smosmol pikinini: Mekem wan smol resis we i gat ol samting we i blokem rod blong resis ia. !Praktis blong go tru long hem! Afta karemaot ol samting we oli blokem rod mo traem bakegen. Eksplenem olsem wanem King blong Ol Man blong Leman i bin karemaot ol samting we i blokem rod, taem Amon mo ol brata blong hem oli bin wantem blong tijim gospel long ples blong hem (Alma 23:3).

15–21 Julae

Miusik Jea Rimaenda

Blong Alma 30–31

Ol pikinini oli stap wokbaot raon long ol jea

Alma i bin tijim se “evri samting i soem se i gat wan God” (Alma 30:44). Hemia i minim se evri samting we God i krietem i save rimaenem yumi abaot Hem. Putum ol jea long wan sekol wetem inaf jea blong evriwan be wan nomo bae i nogat jea. Mekem wan i plei miusik mo i jusum wetaem blong stopem. Taem miusik i stop, evriwan i sidaon long wan jea. Hem we i nogat wan jea blong sidaon, bae i serem wan samting we rimaenem hem abaot God. Gohed blong mekem olsem kasem taem evriwan i gat wan janis blong serem wan samting.

Blong ol smosmol pikinini: Wokbaot raon long hom blong yu o aotsaed. Lukaotem ol samting we i helpem yu blong filim hapi mo rimaenem yu long Papa long Heven.

22–28 Julae

Stap Mekem Testemoni blong Yu I Gro

Blong Alma 32–35

Pikinini i stap droem wan pikja

Alma i bin tijim se taem yu lisin long tok blong God mo mekem ol samting blong soem fet blong yu, testemoni blong yu bae i gro, olsem wan tri (luk long Alma 32:37). Droem ol samting we yu save mekem blong helpem wan tri blong gro, olsem blong givim wota mo laet blong san long hem. Afta droem ol samting we yu save mekem blong helpem testemoni blong gro, olsem blong stap go long jos mo stap prea.

Blong ol smosmol pikinini: Singsing “Faith” (Children’s Songbook, 96). Taem yu stap singsing, mekem ol aksen blong soem wan sid we i stap gro i go bigwan mo longwan. Tokbaot testemoni blong yu we i stap gro.

Stori PDF

Ol pikja droing oli kam long Katy Dockrill