“?Huia Abis?” Fren, Julae 2024, 24–25.
Lanem abaot Buk blong Momon
?Huia Abis?
Abis i bin wan Man blong Leman. Hem i wok blong kwin mo king.
Wan dei, Abis i luk Amon i stap tijim olgeta abaot Jisas Kraes. Evriwan we oli lisin oli bin filim Spirit i strong tumas mekem se oli foldaon i go long graon.
Abis i biliv finis long Jisas Kraes. Hem i save se paoa blong God i mekem ol narawan oli foldaon i go long graon.
Hem i ron i go aotsaed mo i talem long ol pipol blong oli kam luk merikel we i bin hapen long kwin mo king.
Hem i helpem kwin blong i stanap.
King mo kwin i serem testemoni blong tufala abaot Jisas Kraes long ol narawan. (Luk long Alma 19:16–17, 28–31.)
Skripja Jalenj
-
?Huia i bin tijim King Lamonae abaot God? (Alma 18:26–28)
-
?Wanem nao niufala nem we Ol man blong Leman oli bin singaotem olgeta long hem, afta we oli stap folem Jisas Kraes? (Alma 23:17)
-
?Wanem nao ol pipol oli berem long Alma 24:19?
!Mi Save Ridim Buk blong Momon!
Afta we yu ridim, kalarem pat blong pikja. Yu save ridim ol skripja ia mo folem wetem riding blong evri wik long Kam Folem Mi.
-
Wik 1: Alma 19:35–36
-
Wik 2: Alma 26:12
-
Wik 3: Alma 31:38
-
Wik 4: Alma 33:4–11