Galuega Taulima o le Fuafuaga o le Fiafia

Ata na tusia e Marina Pessarrodona

Fai lenei galuega taulima e fesoasoani ia te oe e aoao atu ai le fuafuaga o le fiafia a le Tama Faalelagi. E mafai ona e faitau e uiga i lenei fuafuaga i le Alema 18:36, 39 ma le Alema 22:8–16.

Oti ese vaega i lalo i luga o laina togitogi. Fai se pu i lio papae taitasi.
Nonoa se manoa i totonu o pu e fesootai ai fasipepa i upu ma le ata latou te o faatasi. Nonoa se isi manoa i le pu i le pito i luga.
Nonoa manoa uma i se laau. Ona tautau lea i luga o lau galuega taulima.

O Le Foafoaga. Na foafoaina e le Atua le lagi ma le lalolagi ma mea uma o i ai.

O Le Pa’ū. Na filifili Atamu ma Eva e aai mai le laau e iloa ai le lelei ma le leaga. O lenei mea sa mafai ai ona maua se la aiga.

Olaga i le Lalolagi. Sa tatou fananau uma mai i lenei lalolagi e aoao ma tuputupu a’e ai.

Togiola a Iesu Keriso. Na afio mai Iesu Keriso i le lalolagi. I le avea ai ma se vaega o Lana Togiola, sa Ia lagonaina o tatou tiga uma ma totogi a tatou agasala. Sa maliu o Ia ma toe soifua mai. Ona o Ia, e mafai ai ona tatou salamo ma toe nonofo faatasi ma le Tama Faalelagi pe a mavae lo tatou oti.