O Le a Se Mea o i Lou Mafaufau?

Ou te matuai faanoanoa lava ma ita pe a le tupu ni mea i le auala ou te manao ai. O le a se mea e mafai ona ou faia?

—Faamavae i Quebec

Faamavae Pele,

Tatou te lagona uma lava le faanoanoa po o le ita pe a le tutupu ni mea e pei ona tatou mananao ai. Manatua e alolofa le Tama Faalelagi ma Iesu Keriso ia te oe ma e finagalo i le mea e sili mo oe. E mafai ona la fesoasoani ia te oe i lagona faigata. O nisi taimi e sili ona tatou tuputupu ae’ pe a iai ni tulaga faigata!

Afai e te lagonaina pea le lotovaivai, talanoa i se tagata matua faatuatuaina. Ona faataitai lea o se tasi o nei manatu. Tusi foi i ai nisi o ou lava manatu.

O le a lelei mea uma!

O Le Uo

O Mea e Mafai Ona Ou Faia

• Manava loloa ma tatalo mo se fesoasoani.

• Taalo i fafo pe fai se isi mea e fai ai se malologa.

• Tusi pe tusi se ata e uiga i ou lagona.

• _________________________________________________

• _________________________________________________

O Mea e Mafai Ona Ou Fai Atu Ai

• “O le Tama Faalelagi ma Iesu Keriso e alolofa ma o le a fesoasoani ia te a’u.”

• “O loo o’u aoao, ma e mafai ona ou toe taumafai.”

• “O loo ou faia le mea sili ou te mafaia, ma o le a ou lelei!”

• _________________________________________________

• _________________________________________________