Aoao e uiga i le Tusi a Mamona

O Ai Apiso?

O Apiso o loo uuina se ulo

O Apiso o se sa Lamanā. Sa faigaluega o ia mo le masiofo ma le tupu.

O loo matamata Apiso o aoao atu Amona

I se tasi aso, na vaai ai Apiso ia Amona o aoao atu i latou e uiga ia Iesu Keriso. O i latou uma na faalogo sa matuai malosi le lagonaina o le Agaga lea na latou pau’u ai i le eleele.

Apiso o loo tilotilo ma le te’i i tagata ua pau’u i le eleele

Sa talitonu Apiso ia Iesu Keriso. Sa ia iloa o le mana o le Atua na pau’u ai isi i le eleele.

Apiso o loo talanoa i tagata i fafo

Sa tamoe o ia i fafo ma fai atu i tagata e o mai e vaai i le vavega na tupu i le masiofo ma le tupu.

Apiso o loo fesoasoani i le masiofo e tu i luga

Sa ia fesoasoani e faatu le masiofo i luga.

O le tupu ma le masiofo o loo talanoa atu i tagata

Sa faasoa atu e le tupu ma le masiofo a la’ua molimau ia Iesu Keriso i isi. (Tagai i le Alema 19:16–17, 28–31.)

Tusi i lalo pe mafai faapefea ona e fesoasoani i isi e aoao e uiga ia Iesu. Faasoa mai ia i matou au tusiga!

Lu’i o Tusitusiga Paia

• O ai na aoaoina le Tupu o Lamonae e uiga i le Atua? (Alema 18:26–28)

• O le a le igoa fou na ta’ua ai e sa Lamana i latou lava ina ua uma ona mulimuli ia Iesu Keriso? (Alema 23:17)

• O le a le mea na tanumia e tagata i le Alema 24:19?

Tali: Amona; o Aneti-Nifae-Liae; auupega

E Mafai ona Ou Faitauina le Tusi a Mamona!

Itulau valivali o tagata o loo tanumia a latou auupega

A uma ona e faitau, valivali se vaega o le ata. E mafai ona e faitauina mau nei e o faatasi ma le faitauga o vaiaso taitasi mai le Sau, Mulimuli Mai ia te A’u.

• Vaiaso 1: Alema 19:35–36

• Vaiaso 2: Alema 26:12

• Vaiaso 3: Alema 31:38

• Vaiaso 4: Alema 33:4–11

Tala PDF

Ata na tusia e Bryan Beach