“Ua Aoao e Arona le Tupu,” Uo, Iulai 2024, 26–27.
O Tala o Tusitusiga Paia
Ua Aoao e Arona le Tupu
Ata na tusia e Andrew Bosley
O Arona o se tasi o atalii o Mosaea. O ia o se faifeautalai. Sa ia aoaoina le tupu o sa Lamana i le laueleele atoa.
Sa fesili Arona i le tupu pe talitonu o ia i le Atua. Na fai mai le tupu o le a talitonu o ia pe afai e ta’u atu e Arona ia te ia e moni le Atua. Sa ia fai atu ia Arona e faamatala atili atu ia te ia e uiga i le Atua.
Sa faitau atu e Arona tusitusiga paia i le tupu. Sa ia aoao atu e uiga i le foafoaga o le lalolagi. Sa ia aoao atu e uiga i le fuafuaga a le Atua. Sa ia ta’u atu i le tupu e uiga ia Iesu Keriso.
Mulimuli ane, sa tatalo le tupu. Sa ia ole atu i le Atua pe moni mea ua faimai ai Arona. Sa maua e le tupu le tali e moni!
Sa talitonu le tupu i mea na aoao atu e Arona. Sa talitonu foi tagata uma o lona aiga. Sa papatisoina i latou ma filifili e mulimuli ia Iesu Keriso.