Mai le Au Peresitene Sili

Faasoaina atu o Mea E te Talitonu I Ai

Saunia e Peresitene Henry B. Eyring

Fesoasoani Lua i le Au Peresitene Sili

Sii mai i le “O se Tamaitiiti ma se Soo,” Liahona, Me 2003, 29–32.

O lo’u tama o se saienitisi. Sa iai se taimi sa ou faitau ai i se lauga sa ia tuuina atu i se vaega toatele. I lena lauga, sa ia saunoa ai e uiga i le Foafoaga ma se Foafoa a o ia talanoa e uiga i le faasaienisi. Sa ou iloaina e toalaiti i latou i le vaega na tutusa o latou faatuatuaga. O lea sa ou fai atu ai ia te ia ma le ofo, “Tama, na e faasoa atu lau molimau.”

Sa ia tilotilo mai ia te a’u ma le te’i i ona foliga ma fai mai, “Pe na ou faia?” Na te le’i iloaina lava sa lototoa o ia. Sa ia faasoa atu lava se mea ua ia iloa e moni.

O i tatou uma ua papatisoina ua folafola mai e faasoa atu le talalelei. E mafai ona tatou tatalo ma le faatuatua ia lagona le alofa o le Faaola mo i tatou ma mo i latou uma tatou te feiloai i ai. O le a e fiafia i le Ekalesia a le Alii ma Lana galuega, ma o le a faaalia. O le tautala i mea e te talitonu i ai o le a avea ma se vaega o le tagata ua avea ai oe.

Auala Faigofie e Faasoa Atu Ai

E mafai ona e faasoa atu le talalelei i le tele o auala! Tusi mea e mafai ona e fai atu i tagata taitasi e faasoa atu ai mea ua e talitonu i ai. Ua uma ona faia le mea muamua mo oe.

Na a mai lou faaiuga o le vaiaso?

Lelei! Sa ou alu i le lotu.

E toatele tagata e eseese talitonuga faalelotu. O le a le mea e te talitonu i ai?

Ua ma’i lo’u tamā. e tatalo mo ia?

Ata na tusia e Alyssa Tallent