E Alofagia A’u

Saunia e Daryn B., 9 tausaga, Iuta, ISA

Teineitiiti o loo ataata ma se atofaafafa i luma o le aoga

E i ai o’u faafitauli tau soifua maloloina sa matuai faigata lava. Sa i ai vaega na ese ai lava a’u talu lo’u fanau mai, sa leai se auala e mafai ai ona ou faaagoina le fale-le-ta’ua. Sa i ai ni a’u taotoga tetele se tolu ma nai isi taotoga laiti.

O nisi taimi ou te mafaufau ai pe aisea ua ou faapenei ai, ae o le mafaufau e uiga i le Atua ma Lana fuafuaga o le faaolataga e fesoasoani ou te manatua ai e tutusa lava le alofagiaina o a’u e pei o isi tagata uma. O le i ai o se molimau i le talalelei e ofoofogia, ma ou te iloa e mafai ona ou faalagolago i le Alii.

Ou te alofa tele i lo’u tino. Ou te iloa o a’u moni lava o se meaalofa o le malamalama (o le uiga moni lea o lo’u igoa). E ui lava ina ou tauivi, ou te iloa e mafai lava ona ou ole atu i le Atua mo se fesoasoani.