E aha te mau ha’amo’ara’a o te hiero ?

’Ia oti ana’e te hō’ē hiero ’āpī i te patuhia, e fa’ahiti te hō’ē peropheta ’aore rā te hō’ē ’āpōsetolo i te hō’ē pure faufa’a roa nō te ha’amo’a, ’aore rā nō te ha’amaita’i i te hiero. E fa’ata’a teie pure i te hiero ’ia riro ’ei vāhi mo’a i reira tātou e rave ai i te ’ohipa a te Atua. ’Ua parau fafau mai te mau peropheta ē, e hānerera’a mau hiero e ha’amo’ahia i te Fatu.

Hiero nō Managua Nicaragua

’O te hiero mātāmua teie i Nicaragua.
I te matahiti 2012, ’ua tere atu Elder Russell M. Nelson i Nicaragua ’e ’ua a’o i te mau ta’ata ’ia fa’aineine nō te patura’a o te hō’ē hiero. ’Ua parau ’oia, « tē fafau atu nei au ia ’outou ē, ’ia ineine ana’e ’outou, e rave te Fatu i tāna tuha’a ’ia roa’a tō ’outou hiero » (hi’o Liahona, Tiunu 2012, 77).

Hiero nō Singapour

Teie ïa te hiero mātāmua i roto i te Repupirīta nō Singapour.
I te matahiti 2000, ’ua ani manihini te peropheta i te mau melo o te ’Ēkālesia i Singapour ’ia vai ineine nō te patura’a i te hō’ē hiero.
’A tīa’i noa ai te otira’a, e ti’a i te mau melo ’ia rātere atu i te fenua Philipino nō te haere i te hiero.