Ha’api’i mai nō ni’a i te Buka a Moromona

’O vai ’o Abisa ?

E ’āti Lamana ’o Abisa. Tē rave ra ’oia i te ’ohipa nā te ari’i vahine ’e te ari’i.

I te hō’ē mahana, ’ua ’ite Abisa ia Amona i te ha’api’ira’a ia rātou nō ni’a ia Iesu Mesia. Te feiā ato’a tei fa’aro’o ’ua putapū pūai i te Vārua ē, ’ua ma’iri a’era rātou i raro i te repo.

ʼUa ti’aturi a’ena Abisa ia Iesu Mesia. ’Ua ’ite ’oia ē, nā te mana o te Atua i fa’amā’iri ia vetahi ’ē i ni’a i te repo.

’Ua horo ’oia i rāpae’au ’e ’ua parau i te ta’ata ’ia haere mai e hi’o i te temeio tei tupu i ni’a i te ari’i vahine ’e te ari’i.

’Ua tauturu ’oia i te ari’i vahine ’ia ti’a mai i ni’a.

’Ua fa’a’ite te ari’i ’e te ari’i vahine i tō rāua ’itera’a pāpū nō Iesu Mesia ia vetahi ’ē. (Hi’o Alama 19:16–17, 28–31.)

’A pāpa’i nāhea ’oe e nehenehe ai e tauturu ia vetahi ’ē ’ia ha’api’i mai nō ni’a ia Iesu. ’A fa’a’ite mai ia mātou e aha tā ’oe i pāpa’i !

Tītaura’a o te pāpa’ira’a mo’a

• Nā vai i ha’api’i i te ari’i Lamoni nō ni’a i te Atua ? (Alama 18:26–28)

• E aha te i’oa ’āpī tā te mau ’āti Lamana i pi’i ia rātou iho i muri a’e i te pe’era’a ia Iesu Mesia ? (Alama 23:17)

• E aha tā te mau ta’ata i huna i roto te Alama 24:19 ?

Pāhonora’a : Amona ; te mau Aniti-Nephi-Lehi ; mau mauiha’a tama’i

E nehenehe au e tai’o i te Buka a Moromona !

I muri a’e i tō ’oe tai’ora’a, ’a fa’a’ū i te tuha’a o te hōho’a. E nehenehe ’oe e tai’o i teie mau pāpa’ira’a mo’a e ’āpiti atu i te tai’ora’a tāhepetoma o te Mai, pe’e mai.

• Hepetoma 1 : Alama 19:35–36

• Hepetoma 2 : Alama 26:12

• Hepetoma 3 : Alama 31:38

• Hepetoma 4 : Alama 33:4–11

Fa’ahōho’ara’a nā Bryan Beach