Te mau ’ohipara’a nō te Mai, pe’e mai

Nō te pō ’utuāfare ’aore rā te ’imira’a maita’i o te pāpa’ira’a mo’a—’aore rā nō te ’ārearea noa !

1–7 nō Tiurai

Te fa’anahora’a o te ’oa’oa tei hāmani-rima’ī-hia

Nō te Alama 17–22

’Ua ha’api’i Aarona ’e ’o Amona nō ni’a i te fa’anahora’a o te ’oa’oa a te Metua i te ao ra. ’Ua pi’i rāua i te reira te ’ōpuara’a nō te fa’aorara’a (hi’o Alama 18:36–39 ’e Alama 22). ’A huri i te ’api 12 nō te hāmani i tā ’oe iho ’ohipa rima ’ī nō te fa’anahora’a o te ’oa’oa.

Nō te mau tamari’i ’āpī a’e : ’A ’imi mai i te hō’ē hōho’a nō tā ’outou tamari’i i te ’aiūra’a. ’A fa’a’ite atu e mea nāhea tō rātou tupura’a i te rahi mai tō rātou ’aiūra’a mai ! I muri iho e ’āparau mea nāhea tātou i te taera’a mai i te fenua nei, nō te tupu i te rahi i roto i te fa’anahora’a a te Metua i te ao ra.

8–14 nō Tiurai

Mauiha’a i roto i te rima o te Atua

Nō te Alama 23–29

’Ua parau Amona i tōna mau taea’e, « ’o tātou i riro ’ei mau mauha’a i roto i te rima o te Atua nō te fa’atupu i teie ’ohipa rahi » (Alama 26:3). Ha’aputu i te mau tao’a tā ’oe e nehenehe e fa’a’ohipa nō te fa’ata’i i te pehe. I muri iho, ’a hāmani i te mau tīhauhau ’e te mau hīmene. Mai ia tātou e fa’a’ohipa nei i te mau mauha’a nō te fa’ata’i i te pehe, e nehenehe te Atua e fa’a’ohipa ia tātou nō te tauturu i te patu i te ’Ēkālesia a Iesu Mesia.

Nō te mau tamari’i ’āpī a’e : ’A fa’anaho i te hō’ē horora’a ’ōhie fifi. ’A ha’api’ipi’i i te horohoro atu nā roto ! I muri iho, ’a ’īriti i te mau fifi ’e ’a tāmata fa’ahou. ’A fa’ata’a e mea nāhea te Ari’i o te mau ’āti Lamana i te fa’a’orera’a i te mau fifi, i te taime ’a hina’aro ai Amona ’e tōna mau taea’e e ha’api’i i te ’evanelia i roto i tōna fenua (Alama 23:3).

15–21 nō Tiurai

Fa’aha’amana’o i te mau pārahira’a pehepehe

Nō te Alama 30–31

’Ua ha’api’i Alama ē, « te fa’a’ite māite nei te mau mea ato’a ē, tē vai ra te Atua » (Alama 30:44). Te aura’a o te reira, te mau mea ato’a tā te Atua i hāmani, e nehenehe e fa’aha’amana’o ia tātou iāna. ’A fa’anaho i te mau pārahira’a ma te ha’amenemene e nava’i nō te mau ta’ata ato’a, ’eiaha rā nō te hō’ē ta’ata. E ani i te hō’ē ta’ata ’ia fa’ata’i i te pehe ’e ’ia mā’iti i te taime e tūpohe ai i te reira. ’Ia fa’aea ana’e te pehe, e pārahi te mau ta’ata ato’a i ni’a i te pārahira’a. Te ta’ata ’aita tōna e pārahira’a e fa’a’ite mai ’oia i te hō’ē mea ’o tē fa’aha’amana’o iāna i te Atua. ’A tāmau noa i te ha’uti e tae roa i te ta’ata hope’a.

Nō te mau tamari’i ’āpī a’e ’A haere fa’a’ati i tō ’outou fare ’aore rā nā rāpae’au. ’A ’imi i te mau mea ’o tē tauturu ia ’outou ’ia ’ite i te ’oa’oa ’e ’ia fa’aha’amana’o ia ’outou i te Metua i te ao ra.

22–28 nō Tiurai

Fa’arahira’a i tō ’oe ’itera’a pāpū

Nō te Alama 32–35

’Ua ha’api’i Alama ē, ’ia fa’aro’o ana’e ’outou i te parau a te Atua ’e ’ia rave i te mau mea nō te fa’a’ite i tō ’outou fa’aro’o, e tupu rahi tō ’outou ’itera’a pāpū, mai te hō’ē tumu rā’au (hi’o Alama 32:37). ’A pāpa’i hōho’a i te mau mea tā ’outou e nehenehe e rave nō te tauturu i te hō’ē tumu rā’au ’ia tupu i te rahi, mai te hōro’ara’a i te pape ’e te mahana. I muri iho e pāpa’i hōho’a i te mau mea tā ’oe e nehenehe e rave nō te tauturu i tō ’oe ’itera’a pāpū ’ia tupu i te rahi, mai te haerera’a i te purera’a ’e te purera’a.

Nō te mau tamari’i ’āpī a’e : ’A hīmene « Te fa’aro’o » (Buka hīmene nā te mau tamari’i, 50). ’A hīmene ai ’outou, ’a rave i te mau ’ohipa nō te fa’a’ite i te hō’ē huero e tupu ra i te rahi. ’A paraparau nō ni’a te tupura’a i te rahi tō ’outou ’itera’a pāpū.

Fa’ahōho’ara’a nā Katy Dockrill