« Fa’a’itera’a i te mea tā ’oe e ti’aturi nei », Hoa, Tiurai 2024, 2–3.
Nō te Peresidenira’a Mātāmua
Fa’a’itera’a i te mea tā ’oe e ti’aturi nei
Fa’aauhia nā roto mai « Hō’ē tamari’i ’e hō’ē pipi », Liahona, Mē 2003, 29–32.
E ihi’ite tō’u metua tāne. I te hō’ē taime, ’ua tai’o vau i te hō’ē a’ora’a ’o tāna i hōro’a i te hō’ē pupu rahi. I roto i te reira parau, ’ua paraparau ’oia nō ni’a i te poietera’a ’e i te hō’ē ta’ata poiete, ’a paraparau ai ’oia nō ni’a i te ihi. ’Ua ’ite au ē, e mea iti roa te ta’ata i roto i te pupu e tū’ati nei i tōna ti’aturira’a. Nō reira, ’ua parau atu vau iāna ma te fa’ahiahia, « pāpā, ’ua fa’a’ite ’oe i tō ’oe ’itera’a pāpū ».
Hi’o mai nei ’oia iā’u ma te māere i tōna hōho’a mata ’e ’ua nā ’ō mai : « ’Oia mau ? » ’Aita roa ’oia i ’ite e ta’ata itoito ’oia. ’Ua fa’a’ite noa ’oia i te mea tāna i ’ite e parau mau.
Tātou pā’āto’a tei bāpetizohia, ’ua fafau tātou e fa’a’ite i te ’evanelia. E nehenehe tātou e pure ma te fa’aro’o nō te putapū i te here o te Fa’aora nō tātou, ’e nō te feiā ato’a ’o tā tātou e fārerei nei. E ’ana’anatae rahi ’oe nō te ’Ēkālesia a te Fatu ’e nō tāna ’ohipa, ’e e ’itehia te reira. Te paraura’a i te mea tā ’oe e ti’aturi nei, e riro ïa ’ei tuha’a ’o vai ra ’oe.
Te mau rāve’a ’ōhie nō te fa’a’ite
E nehenehe ’oe e fa’a’ite i te ’evanelia nā roto e rave rau rāve’a ! ’A pāpa’i i te mea tā ’oe e parau atu i te ta’ata tāta’itahi, nō te fa’a’ite atu i te mea tā ’oe e ti’aturi nei. Te mātāmua ’ua ravehia nō ’oe.
Mai te aha te huru tā ’oe hope’a hepetoma ?
Maita’i roa ! ’Ua haere au i te purera’a.
E rave rahi ta’ata e ti’aturira’a ta’a ’ē tō rātou i te pae fa’aro’o. E aha te mea tā ’oe e ti’aturi nei ?
’Ua ma’ihia tō’u pāpā’ū. E pure ānei ’oe nōna ?
Fa’ahōho’ara’a nā Alyssa Tallent