Pe’era’a ia Iesu i Nicaragua

Fārerei ia Felix !

Nāhea Felix i te pe’e ia Iesu

Mau hōho’a ’o Felix e pānaho ra i te mau tuha’a piriapu

Felix e pe’e ra ia Iesu ma te ha’apa’o maita’i. Tē pure nei ’oia, tē tāmata nei i te ha’apa’o i te mau fa’auera’a ’e tē haere nei i te purera’a. ’Ua parau ’oia, « e ha’api’i rahi mai au i te Paraimere ». « E mea rahi te tamari’i i te Paraimere ’e e ha’api’i mai mātou nō ni’a ia Iesu Mesia ».

Mea au nā Felix e ha’uti ’e tōna taea’e fēti’i. Terā rā, i te tahi taime ’aita rāua e ’āfaro maita’i. « E tauturu te Metua i te ao ra iā’u ’ia fa’a’oroma’i », ’ua parau ’oia.

Tē tauturu ato’a nei Felix ia vetahi ’ē. I te fare ha’api’ira’a, ’ua ’ite atu Felix ē, ’aita tā te hō’ē pīahi e mā’a ’amu’amu. E ’ōpere Felix i tāna mā’a ’amu’amu. E aupuru ato’a ’oia i tōna teina iti. E ara maita’i ’oia ’ia ’ore tōna teina ’ia fifihia, ma te ’amura’a noa i te mau mā’a na’ina’i.

Felix ma te tāupo’o i ni’a te upo’o ’e Felix e ha’uti ra i te piāna

Nō ni’a ia Felix

Felix mata ’ata’ata ’e te hō’ē ’ōpūpū e parau ra ’Hola’

Matahiti : 7

Nō : Managua, Nicaragua

Reo : Pāniora

Fā : 1) ’Ia riro ’ei ta’ata tere nā te reva ’e ’ia tere i ni’a i te ’āva’e ’e penei a’e i ni’a i te feti’a ’ura. 2) E fa’a’amu i te moa i te hō’ē mahana.

Pūtari’a : ’Ia ’ite nō ni’a i te reva, ha’uti i te piāna ’e tunu i te mā’a

’Utuāfare : Felix, māmā, pāpā ’e te teina iti

Tāna mau mea au roa a’e

’Ā’amu o te Buka a Moromona : I tō Iesu haerera’a i Amerika ’e ’ua fa’aora i te mau ta’ata ato’a (3 Nephi 17)

Tau fa’afa’aeara’a : Noela

Hotu : Maupere papa’a ’e te merēni

’Ū : Nīnamu

Hīmene Paraimere : « I Will Walk with Jesus » (Friend, Fepuare 2020, 27).

E nehenehe ato’a ’oe e pe’e ia Iesu !

E aha te ’ohipa tā ’oe e rave nō te pe’e ia Iesu ? ’A pāpa’i mai ’e ’a parau mai ia mātou ! ’A huri i te ’api tāpo’i nō muri, nō te hi’o e nāhea ra.