“Ko e Muimui kia Sīsū ʻi Pāpeitosí,” Kaumeʻá, ʻAokosi 2024, 6–7.
Ko e Muimui kia Sīsū ʻi Pāpeitosí
Feʻiloaki mo ʻAnitoniō!
Founga ʻo e Muimui ʻa ʻAnitoniō kia Sīsuú
ʻOku muimui ʻa ʻAnitoniō kia Sīsū ʻaki hono vahevahe ʻene fakamoʻoní. Kimuʻa ʻi he lotú, ʻi ha Sāpate ʻe taha, naʻe pehē ai ʻe ʻAnitoniō te ne vahevahe ʻene fakamoʻoní ʻi he houa fakamoʻoní ʻi he ʻaho ko iá. Naʻá ne hiki ʻene fakamoʻoní ʻi ha kiʻi pepa pea lau mei ai. ʻOkú ne pehē, “Naʻá ku vahevahe ʻeku tuí naʻe pekia ʻa Sīsū Kalaisi ʻi he kolosí pea ʻokú Ne ʻofa mo tokanga mai kiate kitautolu kātoa.”
ʻOku ʻiloʻi ʻe ʻAnitoniō ʻoku tokoni ʻa e vahevahe ʻo ʻene fakamoʻoní ke ne ongoʻi ai ʻa e Laumālie Māʻoniʻoní. ʻOku toe tokoni foki ke ne ongoʻi ofi ange ki heʻene kui tangatá ʻa ia naʻe siʻi mālōlō he ngaahi taʻu siʻi kuo hilí. ʻOkú ne pehē, “ʻOku ou ʻiloʻi ʻoku poupouʻi au ʻe heʻeku kui tangatá mo hoku fāmilí kotoa, pea ʻoku tokoni ia ke tupulaki ai ʻeku fakamoʻoní!”
Fekauʻaki mo ʻAnitoniō
Taʻu Motuʻá:11
Mei: St. Maikolo, Pāpeitosi
Lea fakafonuá: Faka-Pilitānia
Ngaahi taumuʻá: 1) ʻAlu ki he temipalé ke papitaiso maʻa ʻene kui tangatá. 2) Hoko ko ha pailate. 3) Hoko ko ha tokotaha vaʻinga soka fakapalōfesinale.
Ngaahi Meʻa ʻOku Manako Aí: ʻAlu ki matātahí, vaʻinga soká, mo e vaʻinga he vitioó mo hono ngaahi kaungāmeʻá
Fāmilí: ʻAnitoniō, Fineʻeikí, Tangataʻeikí, mo hano taʻokete lahi
Ngaahi Meʻa ʻOku Manako Taha ai ʻa ʻAnitonioó
Talanoa ʻo e Tohi ʻa Molomoná: Ko e taimi naʻe maʻu ai ʻe Nīfai ʻa e ʻū lauʻi peleti palasá meia Lēpaní (vakai, 1 Nīfai 4)
Tukufakaholo Fakafāmilí: Maʻu meʻatokoni hoʻatā mo e kāingá ʻi he Kilisimasí
Fuaʻiʻakaú: Situloapeuli
Lanú: Pulū
Hiva Palaimelí: “Popi Koané” (Tohi Hiva ʻa e Fānaú, 142)
Ngaahi tā fakatātā ʻa Michael Mullan