“Founga ʻe 5 ke Fakafepakiʻi ʻa e Kau Houtamakí,” Kaumeʻá, ʻAokosi 2024, 39.
Ngaahi meʻa ʻe 5
Founga ʻe 5 ke Taʻofi ʻaki ʻa e Kau Houtamakí
Tā fakatātā ʻa Mark Robison
ʻE lava pē ke fakailifia haʻate fehangahangai mo ha taha houtamaki. Ka ʻokú ke maʻu ʻa e sīpinga haohaoa ʻa Sīsū Kalaisí ke muimui ki ai, pea ʻokú ke maʻu Hono mālohí. Ko e taimi pē ʻoku anga taʻeʻofa ai ha taha kiate koe pe ki ha niʻihi kehe, te ke lava ʻo taukaveʻi ʻa e meʻa ʻoku totonú! Ko ha ngaahi founga ʻeni ʻe nima:
-
Talaange ki he tokotahá ke tuku. Talaange ki he tokotaha ko iá ʻi ha leʻo mālohi ke tuku ʻene anga taʻeʻofa kiate koé pe ko ha taha kehe. Fakakaukau ki he ngaahi taimi naʻe fakafepakiʻi ai ʻe Sīsū Kalaisi ʻa e kakai naʻa nau anga taʻeʻofa kiate Ia mo ha niʻihi kehe (vakai, Sione 8:3–11). Te Ne tokoniʻi koe ke ke fai ʻa e meʻa tatau.
-
Mavahe mei ai. ʻI he taimi ʻe niʻihi, ko hoʻo mavahé, ko e founga toʻa taha ia ʻe lava ʻe ha taha ʻo fakahoko. Mihiʻi hoʻo mānavá peá ke mavahe. Kapau ʻokú ki sio ki ha taha ʻoku fakamamahiʻi, ʻalu atu ʻo kole ange ke mou ō, peá mou lue fakataha pē.
-
Lotu. ʻOku mālohi lahi ʻa e lotú! Lotua ha loto-toʻa mo ha loto ʻofa. Mahalo ʻe ongo ngali kehe, ka ke lotua foki mo e taha houtamakí! Naʻe pehē ʻe ʻEletā Niila L. ʻEnitasoni, “Lotu ki hoʻomou Tamai Hēvaní. “… Te Ne tataki koe ʻi he meʻa ke faí. Te Ne fakaava ha ngaahi matapaá, toʻo ʻa e ngaahi fakafeʻātungiá, mo tokoni ke ke ikunaʻi ʻa e ngaahi meʻa fakatutá.”
-
Manatuʻi ho mahuʻinga ko e fānau koe ʻa e ʻOtuá. ʻE tatau ai pē pe ko e hā ha meʻa ʻe lau atu ʻe ha taha pe lau fekauʻaki mo koe—he ʻikai ke ne teitei liliu ʻa e lahi ʻo e ʻofa ʻa e Tamai Hēvaní kiate koé. Puke ke ofi ʻa e moʻoni ko ʻení ki ho lotó, pea te ke ongoʻi mālohi mo loto-toʻa ange. ʻAi maʻu pē ʻa e niʻihi kehé ko e fānau mo kinautolu ʻa e ʻOtuá.
-
Angaʻofa. Te ke lava ʻo hoko ko ha faʻifaʻitakiʻanga ʻo e angaʻofá. Naʻe akoʻi kitautolu ʻe Sīsū Kalaisi ko e founga lelei taha ʻeni ke fai ki he kau houtamakí. “ʻOfa ki homou ngaahi filí, tāpuakiʻi ʻa kinautolu ʻoku kapeʻi ʻa kimoutolú, fai lelei kiate kinautolu ʻoku fehiʻa kiate kimoutolú, pea hūfia ʻa kinautolu ʻoku fai kovi mo fakatanga kiate kimoutolú” (Mātiu 5:44).