“Ko e Fuka ʻo e Tauʻatāiná,” Kaumeʻá, ʻAokosi 2024, 24–25.
Ako fekauʻaki mo e Tohi ʻa Molomoná
Ko e Fuka ʻo e Tauʻatāiná
Naʻe hoko ʻa e ʻEikitau ko Molonaí ko ha taki maʻongoʻonga. Naʻe muimui ki he ʻOtuá. Naʻe tokoni ki he kau Nīfaí he maluʻi honau ngaahi fāmilí.
Naʻe hae ʻe Molonai ha konga ʻo hono pulupulú ʻo ngaohi ha fuka. Naʻá ne tohi ai ha ngaahi lea ke tokoni ke manatuʻi ʻe he kakaí ʻa ʻenau tauʻatāiná, tui fakalotú, mo e melinó. Naʻe fakaafeʻi kinautolu ʻe Molonai ke nau fai ha palōmesi ke maluʻi honau ngaahi fāmilí. Naʻá ne tautau ʻa e fuká mei he taua kotoa pē.
Naʻa nau ui ʻa e fuká ko e fuka ʻo e tauʻatāiná. Naʻe ueʻi ʻe he fuka ʻo e tauʻatāiná ʻa e kau Nīfaí ke nau taukaveʻi ʻa e totonú. (Vakai, ʻAlamā 46:11–20.)
Tukupā ʻo e Folofolá
-
Ko e hā naʻá ne fakafonu ʻa e loto ʻo ʻAlamaá ʻi he taimi naʻá ne lotua ai ke fakamolemoleʻí? (ʻAlamā 36:20)
-
Ko e hā naʻe foaki ʻe he ʻEikitau ko Molonaí ki hono kakaí ke “maluʻi ʻaki honau ʻulú”? (ʻAlamā 43:19)
-
Ko hai ʻa e pule lahi naʻe tohi ki ai ʻa e ʻEikitau ko Molonaí? (ʻAlamā 61:1)
Teu Lava ke Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitahá, mei he Haʻu, ʻo Muimui ʻIate Aú.
-
Uike 1: ʻAlamā 37:37
-
Uike 2: ʻAlamā 40:23–25
-
Uike 3: ʻAlamā 43:45
-
Uike 4: ʻAlamā 62:50–51
ʻŪ tā fakatātā ʻa Corey Egbert