“Mālō e Lelei mei Pāpeitosi!” Kaumeʻá, ʻAokosi 2024, 8–9.

Mālō e Lelei mei Pāpeitosi!

Ako ki he fānau ʻa e Tamai Hēvaní ʻi he funga māmaní kotoa.

Ko Pāpeitosí ko ha motu ia ʻi he ʻOtu Kalipiané. ʻOku nofo ai ha kakai ʻe meimei toko 280,000!

Lea Fakafonuá

Tatau faka-Pilitānia ʻo e makasini Kaumeʻá mo ha fuʻu paame

Ko e lea fakaʻofisiale ʻi Pāpeitosí ko e lea faka-Pilitāniá. Ko e tokolahi taha ʻo e kakai ʻi he motú ʻoku nau toe lea faka-Paisani (Bajan).

Kamataʻanga ʻo e Siasí

Laʻitā ʻo e vaitafé mo e ʻulu paame pea mo e tā fakatātā ʻo ha kiʻi tamasiʻi ʻoku papitaiso

Naʻe papitaiso ʻa e fuofua fāmili ke kau ki he Siasí ʻi Pāpeitosí ʻi he 1978. ʻOku laka hake ʻi he taimí ni ʻa e kāingalotú ʻi he toko 1,000 ʻi he fonuá!

ʻAna Helisoní (Harrison Cave)

Tā ʻo e ʻaná mo hono faʻunga maká pea mo e fakatātā ʻo ha ngeli ʻi ha vaʻa

Ko ha fuʻu ʻana maka lahe ʻeni ʻoku tafe ʻa e vaí ʻo hū mai ʻi loto. ʻE lava ke mamata ʻa e kau ʻeveʻevá ʻi he ʻaná, ʻi ha lēlue ʻo mamata ki he fōtunga kehekehe ʻo e maká kuo tupulaki ʻi he fakalau ʻa e taimí.

Ko ha Fuka Fakalanulanu

Tā ʻo ha fuka lanu pulū mo lanu koula ʻoku tuʻu ha tao matatolu ʻi loto mālie mo ha fakatātā ʻo ha fonu tahi

ʻOku fakafofongaʻi ʻe he lanu koula ʻi he fuka Pāpeitosí ʻa e ngaahi matātahi ʻo e motú. ʻOku fakafofongaʻi ʻe he lanu puluú ʻa e tahi mo e langi ʻo Pāpeitosí.

Founga Feimeʻatokoní

Sousi

ʻOku kai ʻeni ʻe ha kakai tokolahi ʻi Pāpeitosi, ʻi he ʻaho Tokonakí. Ko ha kalasi ʻeni te ke lava ʻo ʻahiʻahiʻi!

Hifi ha puaka pāuni ʻe 2 ʻo taki haafe ʻinisi (senitimita ʻe 1) honau lalahí. Haka ʻa e kakanoʻi manú ʻaki ha sēpuni māsima lahi ʻe 1 (ml ʻe 15) kae ʻoua ke moho kakato, ʻi ha meimei miniti ʻe 15. Fakatafe ʻa e vaí pea tuku ke mokomoko ʻa e kakanoʻi manú.
Hifi iiki ha vaheua ʻo ha foʻi onioni lahi, kiūkamupā ʻe 2, falukunga pāsilī, mo ha polo (pepper) ʻokú ke loto ki ai. Heu fakataha ʻi ha foʻi poulu lahi. Tānaki atu ha vaueaʻi sēpuni tī fakanamulelei meʻakai (thymes) (ml ʻe 2.5) mo ha huhuʻa ʻo ha foʻi laimi ʻe 3 ki he poulú.
Tānaki atu ʻa e kakanoʻi manu kuo ʻosi mohó ki he poulú pea heu ke tuifio lelei. Tānaki atu ha māsima mo e polo ke ifo. Tuku ʻaisi ʻi ha houa ʻe ua pea toki kai.