“Ko e Kau Tau Kei Talavoú,” Kaumeʻá, ʻAokosi 2024, 26–27.
Ngaahi Talanoa mei he Folofolá
Ko e Kau Tau kei Talavoú
ʻŪ tā fakatātā ʻa Andrew Bosley
Naʻe fie muimui ʻa e kakai naʻe akoʻi ʻe ʻĀmoni mo hono ngaahi tokouá ki a Sīsū Kalaisi. Naʻa nau tanu ʻenau ngaahi meʻataú mo palōmesi ki he ʻOtuá he ʻikai ke nau toe tau.
Ka naʻe ʻikai fuoloa kuo fiemaʻu ke nau maluʻi honau ngaahi fāmilí. Naʻe ʻikai ke loto ʻa e ngaahi tamai naʻa nau tanu ʻenau ngaahi meʻataú ke maumauʻi ʻenau palōmesi mo e ʻOtuá. Ko ia naʻe teuteu leva honau ngaahi fohá ke nau tau ʻo fetongi kinautolu. Naʻe ui kinautolu ko e kau tau kei talavou ʻe toko uaafé.
Naʻe teʻeki ai kau tuʻotaha ʻa e kau tau kei talavoú ʻi ha tau kimuʻa. Ka naʻe tokoni ʻenau ngaahi faʻeé ke teuteuʻi mo akoʻi kinautolu ke nau falala ki he ʻOtuá.
Naʻa nau fili ʻa Hilamani ke hoko ko honau taki. Naʻa nau loto-toʻa, pea naʻe tokoniʻi kinautolu ʻe he ʻOtuá. Naʻa nau kafo kotoa, ka naʻa nau fetokoniʻaki. aʻe fakaʻapaʻapaʻi ʻe he ʻOtuá ʻenau tuí, pea naʻa nau moʻui kotoa!