Ukweļo̧k Ej Lan̄lōn̄!

Jān Būreejtōn Dallin H. Oaks

Rikakpilōklōk eo Kein Kajuon ilo Būreejtōnji eo Kein Kajuon

Kakkobaba tok jān “Erreo kōn Ukweļo̧k,” Liaona, Māe 2019, 91–94.

Ukweļo̧k ej juon menin lan̄lōn̄. Ej juon m̧ōttan eo eaorōk ilo karōk eo an Anij. Jej aikuj aolep ukweļo̧k.

N̄an ukweļo̧k, jej aikuj jino kōn tōmak ilo Jisōs Kraist. Jej aikuj meļo̧kļo̧k jerawiwi ko ad im kwaļo̧ki. Meļeļein menin jej kile ke jekar kōm̧m̧an bōd, ba joļo̧k bōd n̄an ro jekar kōmetak er, im kāālet n̄an kōm̧m̧ani kāālet ko rem̧m̧anļo̧k. Jej aikuj barāinwōt bōk kwojkwoj eo kajjojo raan in Jabōt.

N̄e jej ukweļo̧k, jenaaj maron̄ erreo. Irooj ej kallim̧ur bwe E enaaj “jab bar keememeji [jerawiwi ko ad]” (Katak im Bujen Ko 58:42). Juon kallim̧ur! Juon menin bwilon̄! Juon kōjeraam̧m̧an!

Ad Rilo̧mo̧o̧r eo ej iakwe ej kōpeļļo̧k Pein n̄an bōk ro otemjej rej ukweļo̧k im ļoor E.

Bar Erreo

Kōm̧m̧ane m̧akūtkūt in n̄an jipan̄ eok katak kōn ukweļo̧k!

Ten̄i juon bowl allikar lowaan kōn dān. Innām joļo̧k jet dōkā jiddik im bwidej ilo dān eo. Menin ej bōk jikin kāālet ko rebōd jej kōm̧m̧ani.
N̄an ad bar maron̄ erreeo, jej aikuj bōjrak ad kōm̧m̧ane ta eo ebōd. N̄an bōk jikin menin, bōk dōkā jiddik ko jān lowaan ninne eo. Elmen dān eo kiiō? Ej ke ettonoon wōt?
N̄an ad lukkuun ukweļo̧k, jej aikuji Jisōs Kraist. Ej aikuj wōr ad tōmak ilo E im Pinmuur eo An. Jibwe ninne in dān eo ium̧win juon bo̧jet. Kōtļo̧k an dān eo lutōkļo̧k n̄an nien dān eo m̧ae iien aolep dān ettonoon eo ej lutōkļok! Menin ej bōk jikin kajoor eo an Jisōs Kraist an aikuj jipan̄ kōj erom̧ erreo.