Wōn Lukkuun Kwe

Jān Elder Kevin W. Pearson

Jān Jiljilimjuonn̄oul eo

Jān juon intōrpiu ippān Olivia Kitterman im Diana Evelyn Nielson.

Jemedwōj Ilan̄ ej iakwe kōj. Ekōņaan jipan̄ kōj jeļā wōn lukkuun kōj. Ekar kōm̧anm̧an jetōb ko ad m̧okta jān ad kar itok im mour ioon laļ in. Kōj aolep rej ļaddik im leddik ro nejin Anij.

Elōn̄ iien jemaron̄ en̄jake ad ajimakeke iaad ak inepata bwe ej jāmin bwe ad em̧m̧an. Jisōs Kraist ej lukkuun jeļā ewi wāween ad en̄jake. Enaaj jipan̄ kōj eļlā jān jabdewōt apan̄. Men ko reppen me jej jelm̧ae ilo mour in remaron̄ jipan̄ kōj erom āinwōt Jisōs Kraist eļan̄n̄e jej oktakļo̧k n̄an E.

Gospel eo ej jipan̄ kōj lo kōj make āinwōt an Jemedwōj Ilan̄ lo kōj. Kōn ad tōmak ilo Jisōs Kraist, mālijjon̄ ko ad remaron̄ oktak n̄an kōjeraam̧m̧an ko. Jeļā wōn lukkuun kwe im ewi wāween an Anij lo eok enaaj kōjeraam̧m̧an jabdewōt jekdo̧o̧n jete iiō!

Ilo ad itok im meļeļe wōn lukkuun kōj āinwōt ajri ro nejin Anij, jenaaj maron̄ mijōk wōt wōn eo Jemedwōj Ilan̄ ekōņaan bwe jen erom̧. Jenaaj jelm̧ae apan̄ ko kōn tōmak ilo E. Men̄e jejjab wāppen im jenaaj kōm̧m̧an bōd ko, jemaron̄ lo kōjatdikdik ilo ad jeļā bwe jej ajri ro nejin Anij.

Kappukot Men ko Rem̧m̧antata Ippem

Aolepādwōj im oktak. Eoktak tōļan ko ad, men ko jej kōņaan, im jejjab kōņaan. Bōtaab jej aolep ajri ro nejin Anij!

Kōjerbale kūļū ko n̄an kanne jaat eo im pukot ta eo kajjojo iaan m̧ōttā rein rej itok limo ie. Jidik Kein Jipan̄: Likūti juon X iturin ta eo kwojeļā ejjab m̧ool. Eo m̧oktata ekar kōm̧m̧ane n̄an kwe. N̄e em̧ōj am̧ kōm̧m̧ane, kajjojo kaļōm̧ eaikuj wōr juon bo̧o̧k ie im ejjeļo̧k kobban.

Rikkure piano eo ejjab Amara ak Jade.
Max ejjab kōņaan bōnbōn (math).
Ejjeļo̧k juon iaan ļaddik ro ej kōjan̄jan̄ juon kein kōjan̄jan̄ ak kōrate.
Leddik eo ekōņaan mennin mour ejjab Amara.
Kai ej e eo wōt ekōņaan basketball.