“Kein Ikkure Kōraj Eo Ekauwōtata,” Jera, Jeptōm̧ba 2024, 4–5.
Kein Ikkure Kōraj Eo Ekauwōtata
Eperan ke Daniel n̄an kwaļo̧k m̧ool?
Bwebwenato in ekar kōm̧m̧an ilo USA.
Daniel ekar kotak mejān bo̧o̧k in kein ikkure ko an jim̧aan im alimōmōiki lowaan. Ro rilikin rekar aiintok doon ipeļaakin n̄an alooje. Em̧m̧an ippāer ikkure ippān doon ilo m̧weo im̧ōn Jim̧aer!
Ilowaan ebooļ kein ikkure ko rem̧or me jinen Daniel im kōrā eo nej jinen rekar ikkure kaki ke rekar ajri.
“Ta kaņe wōj?” Noah rilikin Daniel ekar jitōn̄ļo̧k jiljino kein ikkure kōraj ko rerabōlbōl, kein ikkure in etto. Ekkan̄ im aidik jem̧ļo̧kier im kōļarier flag—jet rebūrōrō im jet iaļo.
Daniel ekar bōk juon. “Jinō ekar jiron̄ eō kōn men kein,” ekar ba. “Kwoj kajutake juon riin̄ in basket ilo ujooj ko inamōj in m̧weo. Innām kwomaron̄ jolōn̄ļo̧k men kein imejatoto im kajjieon̄ kōm̧m̧an bwe ren jok ilowaan basketball eo.”
“Kipeel!” Noah ekar ba. Em̧ōj an kadede ettōrtok n̄an ujoojoj ko inam̧ōj in m̧weo n̄an kōpooje ikkure eo.
Ejjab to Daniel im ļaddik eo rilikin rekar karōke kein ikkure kōraj metal eo ioon ujoojoj ko nam̧ōj in m̧weo im̧ōn jim̧aer. Daniel em̧m̧an ippān n̄e kein kōraj kōwāleel ko rej jok im pen im dāpdep ioon ujoojoj ko.
“Ejjeļo̧k aō pere ke imaron̄ kadkad lōn̄ļo̧k im utiejļo̧k jān kwe,” ļaddik eo rilikin Daniel Lily ekar ba.
Ajri ro rekar ettōn̄ im jolōn̄ļo̧k kōraj kōwāleel ko utiej ļo̧k im utiej ļo̧k.
Innām Daniel ekar wōr juon an ļōmņak. “Ejjeļo̧k aō pere ke imaron̄ kadkadļo̧k kōn kōraj kowāleel eo aō ioon iaļ eo n̄an lowaan riin̄ in basketball eņ!” ekar ba. Ekar ettōrļo̧k n̄an rejet eo juon an iaļ in ettōr eo im lukkuun kadkad kōn kein kōraj kōwāleel eo.
Kein ikkure kōraj eo ekar kālōn̄ļo̧k n̄an mejatoto, ak ekar jab jok ioon ujoojoj ko. Ijjelo̧kin ekar jok ioon wa eo waan eo nej jinen Robilyn ekāāl kōn juon ainikien ellaaj TŪBOK.
“O jab!” Noah ekar lam̧ōj.
Daniel ekar kotak kein kōraj eo. Ekar wōr juon opene kileplep ioon wa eo ijo ekar jok ie.
Ajri ro rekar kalimjōk doon kōn mijak. Innām, ijjelo̧kin aer ba jabdewōt naan, rekar etal jān kein ikkure kōraj ko ioon ujoojoj im ettōrļo̧k n̄an lowaan m̧weo.
Tokālkin ālkin rālepen eo, aolep rekar etal n̄an wa ko waer bwe ren ro̧o̧l n̄an m̧ōko m̧weer. Kōrā eo nej jinen Daniel ekar kile opene eo ioon wa eo waan. “Ta eo ekar waļo̧k?” ekar kajjitōk.
Lo̧jeen Daniel ekar metak. Ak ekar jab ba jabdewōt naan. Ekar iuweļo̧k ilo wa eo im jeale bar iakwe ļaddik ro rilikin.
Ilo ettōrļo̧k eo aer n̄an m̧weo, Daniel ekar jijet ikōn̄ ilo jea eo ilik. Ekar kajjieon̄ in riiti bok eo an. Ak ekar jab maron̄ kōļmenļo̧kjeņ. Ekar en̄jake an nan̄inmej ilowaan ānbwinnin kōn ta eo ekar waļo̧k. Ekar jeļā bwe m̧ool ekar men eo ejim̧we n̄an kōm̧m̧ane. Ak kwaļo̧k m̧ool eo emaron̄ jab em̧m̧an. Jinen im jemān renaaj lukkuun illu ippān. Barāinwōt kōrā eo nej jinen.
Innām Daniel ekar kōļmenļo̧kjeņ kōn armej eo ebun̄bun̄ ippān ilo jeje ko rekwojarjar. Daniel ilo Kallim̧ur Mokta kar joļo̧k e ilowaan ron̄ in ļaion ko kōn an kar kāālet jim̧we eo. E ekar peran. Bōlen Daniel emaron̄ bar peran barāinwōt.
“M̧am̧a, e?” Daniel ekar ba. “Ikar kadkad lōn̄ļo̧k kōn juon kein ikkure kōraj, im ekar lel wa eo waan Kōrā eo nej jinō Robilyn im ekar kaopeneik. Ekar aō bōd.”
Jinen ekar reilo̧k n̄ane jān kūlaaj eo lowaan wa eo. Ekar jab illu āinwōt an kar Daniel ļōmņak enaaj kar. “Kom̧m̧ool kōn am̧ kwaļo̧k n̄an eō m̧ool eo,” ekar ba.
Daniel ekar bōk kitwōn. “Imaron̄ ke call e kōrā eo nej jinō Robilyn n̄e jetōpar m̧weo?” ekar kajjitōk. “Ikōņaan ba n̄ane joļo̧k bōd. Im inaaj buuļ jerbal n̄an bōk jāān n̄an kōļļāik wōņāān kōm̧m̧ane wa eo.”
M̧am̧a ekar ettōn̄ dikdik. “Ej juon itia em̧m̧an!”
Metak eo lo̧jeen ekar jako, im Daniel ekar en̄jake aenōm̧m̧an. Ekar bwe an pera n̄an kwaļo̧k m̧ool eo. Kōnke Jisōs Kraist, ekar maron̄ ukweļo̧k im kōm̧m̧ane men ko rejim̧we.
Kōmeļeļe ko jān Josh Talbot