“Wūt ko n̄an Armej ro Rittūru,” Jera, Jeptōm̧ba 2024, 38.
Kar jeje jān Kwe
Wūt ko n̄an Armej ro Rittūru
Jejjo iiō remootļo̧k, ļeo pāleeō ekar mej. Kōrā eo ekar lukkuun būrom̧ōj.
Ikar jeļā ta jekjek eo n̄e ej jako juon eo ejitōnbōro. Ke ekar jilu iiō detta, jinō ekar mej. Ālkin an kar mej, ajri ro rej jokwe iturū rekar jeje n̄an ļaddik eo jeiū ennaan ko im kainōknōk yard eo am kōn kein ikkure ko. Ikar kōņaan in kōm̧m̧ane juon men āinwōt em̧m̧an n̄an armej ro rittūru.
Ikar jar n̄an jeļā ta eo imaron̄ kar kōm̧m̧ane n̄an jipan̄. Ļōmņak eo ekar itok n̄an kōļmenļo̧kjeņ eo aō n̄an leļo̧k wūt ko n̄an e ilo Raan in Valentine eo. Kōn menin, ikar aikuj in jerbal n̄an bōk jāān n̄an wia wūt ko. Ikar kōm̧m̧ane juon kōttōbar ilo Bok in Tōl eo an Ajri n̄an jerbal n̄an bōk jāān.
Ikar bōk jāān jān kōm̧m̧an elōn̄ jerbal ko roktak n̄an ro jet. Jibū ekar kōļļāk eō kōn aō karreeo jikin kallib eo an im bōlōk ko ilo yard eo an. Ilo m̧weo, ikar bōk jāān jān rarōki menoknok ko iturin m̧ōn jerbal jidkdik eo am. Ekar bōk allōn̄ ko in jerbal ko reppen n̄an bōk ebwe jāān.
Āliktata ekar bwe jāān ko n̄an aō etal n̄an juon m̧ōn wia im wia wūt ko. Raan in Valentine eo ekar itok, im ikar leļo̧k n̄an armej ej eo jokwe iturū wūt ko ippān juon note. Kōrā eo ekar lukkuun mōņōņō. Ikar en̄jake okmāņāņ im m̧ōņōņō itulowa barāinwōt. Ikar kam̧m̧oolol Jemedwōj Ilan̄ kōn an kar jipan̄ eō kōm̧m̧ane ta eo Ekōņaan bwe in kōm̧m̧ane.
Kōmeļeļe ān Dave Klüg